TRENDING:
मसाजोगचे सरपंच संतोष देशमुख यांच्या प्रथम पुण्यतिथी निमित्त उपमुख्यमंत्री अजित पवार यांनी देशमुख कुटुंबाची भेट घेतली. यावेळी त्यांनी धनंजय देशमुख आणि वैभवीशी संवाद साधला. या भेटीनंतर धनंजय देशमुख यांनी माहिती दिली.
"आमच्या भावाचा खून झाला, त्यानंतर त्यांनी जिल्ह्याची परिस्थिती काय आहे त्याबाबत चर्चा केली. पुढे वेळ भेटला आणि वेळ आली तर आम्ही निवेदन देखील देऊ. आम्ही आज काही जास्त बोललो नाही. आज दुखाचा दिवस आहे. त्यामुळे फार काही बोलणं झालं नाही, जेव्हा निरोप येईल तेव्हा भेट घेणार आहोत. आता त्यांना कधी वेळ मिळतो, तसा ते निरोप देतील त्यावेळी जाणार आहे, असं धनंजय देशमुख यांनी सांगितलं.
advertisement
तसंच. 'न्यायालयीन प्रकरणामध्ये काही अडचण असेल, काही मदत लागत असेल तर त्याबद्दल विचारणा केली. पण, आम्ही दादांना सांगितलं. ज्यांनी खून केला त्यांनी पाप केलेले आहे. त्यांना शिक्षा व्हायला हवी. कारण, त्यांना शिक्षा झाली नाहीतर ते आणखी एक टोळी तयार करतील. आम्ही, या प्रकरणाबद्दल अजितदादांना जे सांगायचं आहे. ते सांगितलं. ते काय तो निर्णय घेतील. त्यांना काही माहिती लागली तर विचारशील. दादांनी, वैभवी हिच्या शिक्षणाबद्दल देखील विचारणा केली आणि कुटुंबाबद्दल माहिती जाणून घेतली, असंही धनंजय देशमुख यांनी सांगितलं.