TRENDING:
राष्ट्रवादीच्या आमदारांची उद्या उपमुख्यमंत्रीबाबत महत्त्वाची बैठक होणार आहे. राष्ट्रवादीच्या आमदारांना उद्या मुंबईत बोलावलं आहे. त्यामुळे उद्या बैठकीत निर्णय झाल्यानंतरर उद्याच शपविधी होईल, असे छगन भुजबळ म्हणाले. उपमुख्यमंत्रीपदासाठी सुनेत्रा पवारांची चर्चा सध्या पक्षात सुरू आहे.
छगन भुजबळ नेमकं काय म्हणाले?
सुनेत्रा पवारांकडे उपमुख्यमंत्रीपद द्यावे, अशी पक्षातील कार्यकर्त्यांची भावना आहे.त्यात चूक आहे, असे मला वाटत नाही. सध्या अजित पवारांच्या राष्ट्रवादीकडे सध्या आमचे लक्ष असून उपमुख्यमंत्रीपदाची जागा सुनेत्रा पवारांच्या रुपाने कशी भरता येईल याकडे सध्या आमचे लक्ष आहे, असे छगन भुजबळ म्हणाले.
advertisement
छगन भुजबळ म्हणाले, दादा गेले आणि त्यांच्या जाण्याने मोठी पोकळी निर्माण झाली आहे. शो मस्ट गो ऑन असं म्हणतात, त्याप्रमाणे कोणावर तरी जबाबदारी देऊन हा पक्षाचा करभार आणि सरकार पुढे चालवावे लागणार आहे. त्यामुळे उद्या सर्व आमदारांना मुंबईत बोलावले आहे. पक्षाचे प्रमुख पद आता कोणाला द्यायचे याबात बैठकीत निर्णय होईल.