अंबरनाथ नगरपरिषद निवडणुकीबाबत संभ्रम, अधिकारीही निरुत्तर, नेमकं मतदान कधी?

निवडणूक अधिकारी उमाकांत गायकवाड आणि अमित पुरी यांनी पत्रकार परीषद घेतली खरी. मात्र अंबरनाथ नगरपरिषदेकरता मतदान २ डिसेंबरला होणार की २० डिसेंबरला? याबाबत आमच्याकडेही अधिकृत उत्तर नाही, असे ते म्हणाल्याने अंबरनाथ नगरपरिषद निवडणुकीबाबत संभ्रम निर्माण झाला आहे.

आधी म्हणाले निवडणूक पुढे ढकलली, नंतर म्हणाले...

साधारणपणे रविवारी दुपारी १२ वाजता अंबरनाथ निवडणूक अधिकाऱ्यांनी अंबरनाथ नगरपरिषद निवडणुका २० डिसेंबर पर्यंत पुढे ढकलण्यात आल्या आहेत, अशी माहिती दिली पण नंतर पत्रकार परीषद घेऊन निवडणुका कधी होतील याबाबत राज्य निवडणूक आयोग निर्णय घेईल असं बोलून अधिकारी उमाकांत गायकवाड आणि अमित पुरी यांनी हात झटकले.

advertisement

दोन्ही दिवशी निवडणूक, खात्रीलायक सूत्रांची माहिती

सुत्रांनी दिलेल्या माहितीनुसार, अंबरनाथ नगरपरिषदेच्या निवडणुकीकरता मतदान २ डिसेंबर आणि २० डिसेंबर या दोन्ही दिवशी होणार असून ज्या ११ वॉर्डातील उमेदवारांनी अपील केले होते, फक्त त्याच ११ वॉर्डातील निवडणुकांकरिता २० डिसेंबरलाम मतदान होईल, अशी माहिती निवडणूक आयोगामधील सुत्रांनी दिलीये.

निवडणूक कोणत्या कारणामुळे पुढे ढकलण्यात आली?

अर्ज अवैध ठरल्यानंतर उमेदवारांनी दाखल केलेल्या याचिकांवर उशिरा लागलेला निकाल, अर्ज मागे घेण्यासाठी मिळालेला कमी कालावधी आणि अशा प्रक्रियेत आधीच वाटप झालेले चिन्ह या सर्व गोष्टींमुळे राज्य निवडणूक आयोगाने अशा ठिकाणी नगरपरिषद निवडणूक स्थगित करण्याचे आदेश दिले आहेत. अंबरनाथ नगरपालिकेच्या काही प्रभागांमधील निवडणूक पुढे ढकण्यात आली आहे. त्यामुळे उमेदवारांसहित प्रशासनालाही धक्का सांगितले बोलले जाते.