2000 साली म्हाडाने अत्यल्प आणि अल्प उत्पन्न गटासाठी चितळसर, ठाणे येथे 200 घरांची लॉटरी जाहीर केली होती. त्यामध्ये 156 अर्जदारांना घरे मंजूर झाली होती. मात्र भूखंडावर असलेल्या आरक्षणामुळे महापालिकेने प्रकल्पास परवानगी नाकारली होती. परिणामी विजेत्यांना घरे मिळाली नाहीत आणि अनामत रक्कमही परत करण्यात आली नव्हती.
MHADA Lottery: यंदा मुंबईत घराचं स्वप्न राहणार अपूर्ण, म्हाडाच्या लॅाटरीबद्दल मोठी अपडेट
advertisement
दरम्यान, म्हाडाने चितळसरमध्ये सुमारे 1,100 नवीन घरे उभारली असून त्यातील काही घरे त्या वेळच्या विजेत्यांसाठी राखीव ठेवण्यात आली आहेत. मात्र सध्याची घरांची किंमत 50 लाखांच्या आसपास असल्याने ती खरेदी करणे विजेत्यांना कठीण जात होते. त्यामुळे त्यांनी उपमुख्यमंत्री एकनाथ शिंदे आणि म्हाडाकडे किमती कमी करण्याची मागणी केली होती.
म्हाडाकडून आता 2021 मधील घरांच्या मूळ किंमतीच्या आधारावर (31-32 लाख) आणि किरकोळ व्याज धरून सुमारे 36 लाख रुपयांत घरे देण्याची तयारी दाखवण्यात आली आहे. यामुळे अनेक वर्षे प्रतीक्षेत असलेल्या नागरिकांचे घराचे स्वप्न पूर्ण होण्याची शक्यता आहे.