ठाणे हादरलं! लुडो खेळताना सोंगटी ऐवजी थेट मित्रालाच मारलं, चाकुने केले सपासप वार

ठाणे: ठाणे जिल्ह्याच्या मुंब्रा परिसरात दीड वर्षांपूर्वी एक धक्कादायक घटना उघडकीस आली होती. इथं एका तरुणाने लुडो गेम खेळताना झालेल्या किरकोळ वादातून १९ वर्षीय सुफियान शेख याची चाकूने वार करून निर्घृण हत्या केली होती. या खळबळजनक खून प्रकरणात मुख्य आरोपी हत्या केल्यानंतर फरार झाला होता. तो मागील दीड वर्षांपासून पोलिसांना गुंगारा देत होता. आता मुंब्रा पोलिसांना अखेर आरोपीला अटक करण्यात यश आलं आहे. पोलिसांनी या प्रकरणातील मुख्य आरोपी शमसुद्दीन सय्यद (वय २०) याला आंध्रप्रदेश येथून अटक केली आहे.