मुंबई महापालिकेच्या निवडणुकीसाठी दोन्ही ठाकरे बंधू एकत्र येणार असल्याची चर्चा सुरू असतानाच आता दीपोत्सवाला प्रथमच उद्धव ठाकरे हजेरी लावली. त्यामुळे यंदाचा दीपोत्सव ठाकरे बंधूंच्या कार्यकर्त्यांसाठी उत्साहाचा ठरला आहे. दरवर्षीप्रमाणे यंदाही महाराष्ट्र नवनिर्माण सेनेने दादरच्या शिवाजी महाराज पार्कमध्ये 17 ते 26 ऑक्टोबर या कालावधीत दीपोत्सवाचे आयोजन केले आहे. 17 ऑक्टोबर रोजी सायंकाळी 6.30
advertisement
वाजता या दीपोत्सवाचे उद्घाटन होणार आहे. मनसेच्या दीपोत्सवाचे हे 13 वे वर्ष आहे. तरुण-तरुणींमध्ये या दीपोत्सवाचे प्रचंड आकर्षण असून या ठिकाणी छायाचित्र काढण्यासाठी मुंबईकरांची गर्दी होत असते.
दीपोत्सवाच्या उद्घाटनाला दरवर्षी विविध क्षेत्रातील सुप्रसिद्ध मंडळी हजेरी लावतात.
- 2018 - सचिन तेंडुलकर
- 2022- एकनाथ शिंदे- देवेंद्र फडणवीस
- 2023 - जावेद अख्तर
- 2024 - रोहित शेट्टी, सिंघम चित्रपटाची टीम
ठाकरे कुटुंब एकत्र
शिवाजी पार्कवरील उद्घटनाला ठाकरे बंधू, अमित- आदित्य आणि दोन्ही जावा रश्मी- शर्मिला ठाकरे हे एकाच गाडीतून प्रवास करताना पाहायला मिळाले.
राजकीय भाष्य करणे टाळले
मनसेचा यंदाचा दीपोत्सव सोहळा संपन्न झाला आहे. दोन्ही ठाकरे बंधूंनी यावेळी राजकीय भाष्य करणे टाळले.
यंदा मनसेच्या दीपोत्सवात राज- उद्धव हे दोन भाऊच नाही तर दोन्ही कुटुंबातील सर्व सदस्यही एकत्र दिसणार आहेत. दीपोत्सवाच्या उद्घाटन कार्यक्रमात दिवाळीनिमत्त चांगलेच राजकीय फटाके फुटणार अशा चर्चांना उधाण आलं होतं मात्र कोणत्याही राजकीय विषयावर भाष्य करणे दोघांनी टाळले. शिवाजी पार्कात पोहोचलेल्या उद्धव ठाकरेंनी उपस्थितांना दिवाळीच्या शुभेच्छा दिल्या