Diwali 2025 : अंगणातील भातुकलीला ‘बोम्मरिल्लू’चा सणासुदीचा साज, पुण्यात तेलुगू समाजाने जपलीय परंपरा, Video

बोम्मरिल्लू हा सण प्रामुख्याने आंध्र प्रदेशात साजरा केला जातो. मात्र, सोलापूर, नगर, पुणे आदी भागात स्थायिक झालेल्या तेलुगू समाजानेही ही परंपरा जोपासली आहे. दिवाळीपासून सुरू होणारा हा खेळ तुळशी विवाहापर्यंत चालतो. मुली या काळात घरातल्या मोठ्यांना पाहून त्यांच्या दैनंदिन कामांची नक्कल करतात. चहा बनवणे, भाजी शिजवणे, पाहुण्यांचे स्वागत करणे, ताट वाढणे वगैरे. छोट्या आकारात तयार केलेला फराळही या खेळाचा भाग असतो. पाहुण्यांना अगदी मिनिएचर प्लेट्समध्ये फराळाचे पदार्थ देऊन आदरातिथ्य केले जाते.