TRENDING:
केंद्रीय मोटार वाहन अधिनियम 1989 नियम 50 नुसार 01 एप्रिल 2019 पूर्वी नोंद झालेल्या सर्व वाहनांना एचएसआरपी नंबर प्लेट बसवण्याची तरतूद केली आहे. सोलापूर परिवहन विभागांतर्गत एक एप्रिल 2019 पूर्वीचे 8 लाख पेक्षा अधिक वाहन अभिलेखावर आहे, त्यामधील 2 लाख 09 हजार 901 इतक्या वाहन चालकांच्या मालकांनी जुन्या गाड्यांना एचएसआरपी नंबर प्लेट बसवण्यात आले आहे. यापूर्वी शासनाने मार्च, एप्रिल, जून, आणि 15 ऑगस्ट 2025 अशा टप्प्यात एचएसआरपी बसवण्याची तारीख पुढे ढकलत आणली होती.
advertisement
तरीदेखील वाहन मालकांचा प्रतिसाद न मिळत अंतिम 30 नोव्हेंबर 2025 एचएसआरपी नंबर प्लेट बसून घेण्याची शेवटची संधी म्हणून म्हणून वाहनधारकांनी नंबर प्लेट बसून घ्यावे अन्यथा एचएसआरपी नंबर प्लेट न बसवलेल्या गाड्यांवर CVRM च्या नियम 50 आणि मोटार वाहन कायदा 1988 च्या कलम 177 अंतर्गत 1 हजार रुपयांचा दंड आकारला जाणार आहे. एचएसआरपी नंबर प्लेट हा एक उच्च सुरक्षा असलेला ॲल्युमिनियमची नंबर प्लेट आहे. यामुळे वाहनांची चोरी, छेडछाड आणि त्याचा गैरवापर टाळण्यासाठी सरकारने हा नंबर प्लेट अनिवार्य केला आहे.
नंबर प्लेटवर अशोक चक्राचे होलोग्राम, लेसर इन्कोडेड 9 अंकी युनिक आयडी नंबर व नॉन रिमुव्हवेबल स्नॅप लॉक आहे जे लवकर निघत नाही. सोलापूरकरांनी लवकरात लवकर आपल्या वाहनांना एचएसआरपी नंबर प्लेट बसवावे व होणारी दंडात्मक कारवाई टाळावी असे आवाहन प्रादेशिक परिवहन कार्यालय सोलापूर येथील सहाय्यक प्रादेशिक परिवहन अधिकारी आसिफ मुलानी यांनी केले आहे.