गुरं घेऊन शेतात गेला पण घरी परतलाच नाही; वाघाच्या हल्ल्यात शेतकऱ्याचा मृत्यू, वर्ध्यातील दुर्दैवी घटना

घटनेबाबत अधिक माहिती अशी की, गोविंदा चौधरी हे आज सकाळी समुद्रपूर तालुक्यातील मंगरूळ वनपरिक्षेत्रात बैलांना चारण्यासाठी घेऊन गेले होते. याचदरम्यान या ठिकाणी दबा धरून बसलेल्या वाघानं त्यांच्यावर हल्ला केला. वाघानं त्यांना दोनशे मिटर फरफटत नेलं. या घटनेत त्यांचा मृत्यू झाला. या घटनेमुळं हळहळ व्यक्त होतं आहे. दरम्यान घटनेची माहिती मिळताच गावकऱ्यांसह वनविभागाचे अधिकारी आणि कर्मचारी घटनास्थळी दाखल झाले. वनविभागाकडून घटनेचा पंचनामा करण्यात आला आहे.

advertisement

शेतकऱ्यांमध्ये भीतीचं वातावरण 

परिसरात वाघाकडून होणाऱ्या हल्ल्याचं प्रमाण वाढलं आहे. आज पुन्हा एकदा वाघाच्या हल्ल्यात आणखी एका शेतकऱ्याचा बळी गेला आहे. यामुळे शेतकऱ्यांमध्ये भीतीचं वातावरण असून, वनविभागानं लवकरात लवकर वाघाचा बंदोबस्त करावा अशी मागणी करण्यात येत आहे.