अनेक महिला मासिक पाळी, गर्भधारणा, मेनोपॉज, हृदयविकार, मधुमेह, कर्करोग आणि मानसिक आजार यांसारख्या समस्यांचा सामना करत आहेत. या समस्या टाळण्यासाठी महिलांनी आपली दिनचर्या आणि आहाराकडे लक्षं दिलं पाहिजे.
Health Campaign: मोफत ऑपरेशन आणि चष्मेही मिळणार! कुठे आणि कसा मिळणार लाभ?
सर्वसाधारणपणे, व्यायाम करणाऱ्या महिलांमध्ये रक्तदाब आणि कोलेस्टेरॉलची पातळी सामान्य असते. त्यांना हृदयरोग, मधुमेह आणि स्मृतिभ्रंश यांसारखे गंभीर आजार होण्याचा धोका देखील कमी असतो. त्यामुळे दैनंदिन कामातून थोडासा वेळ काढून व्यायाम, योगासने आणि मेडिटेशन केलं पाहिजे, असा सल्ला तज्ज्ञ देतात.
advertisement
शारीरिक आणि मानसिक आरोग्यामध्ये योग्य आहार देखील महत्त्वाची भूमिका बजावतो. सध्या जंकफूड आणि पॅकिंगचे पदार्थ खाण्याचं प्रमाण वाढलं आहे. याचा स्त्रियांच्या हार्मोन्सवर परिणाम होतो. अयोग्य आहारामुळे विशेषत: मासिकपाळीच्या समस्या निर्माण होतात. अगदी कमी वयात देखील मासिक पाळीच्या समस्या निर्माण होत आहेत. बहुतांशी महिला मासिक पाळीतील अनियमितता आणि जास्त रक्तस्रावाच्या समस्येकडे दुर्लक्ष करतात. मात्र, ही बाब जीवघेणी देखील ठरू शकते. त्यामुळे लग्न झालेली स्त्री असो किंवा मुलगी प्रत्येकीने आपल्या आरोग्याबाबत जागरूक असणं गरजेचं आहे.