रेल्वे मराठवाड्याला, पण फायदा कुणाला? तिरुपती दर्शनाचा मार्ग खडतर, नेमका काय झालाय गोंधळ?

चेन्नई–नगरसोल रेल्वे हीसुद्धा मुख्यतः शिर्डीमार्गे जाणाऱ्या भाविकांचा विचार करूनच चालवली जाते. नव्याने जाहीर झालेली तिरुपती–श्रीसाईनगर शिर्डी विशेष गाडी शिर्डीला पोहोचते, पण परतीचा प्रवास काही तासांतच असल्याने शिर्डीत मुक्कामाची गरज राहत नाही. अशाच पद्धतीने तिरुपतीकडून मराठवाड्याला थेट आणि सोयीची रेल्वे असावी, अशी मागणी जोर धरू लागली आहे.

तिरुपतीत दर्शनासाठी किमान 24 तासांचा वेळ राखून ठेवावा लागतो. काही वेळा दर्शनाची प्रतीक्षा सहा ते सात तासांपर्यंत वाढते. त्यामुळे रेल्वे तिरुपतीत पोहोचल्यावर किमान एक दिवस भाविकांकडे मोकळा वेळ असावा, अशी अपेक्षा व्यक्त केली जाते. परंतु सध्याच्या वेळापत्रकात त्याची पूर्तता होत नाही.

तिरुपती छत्रपती संभाजीनगर शनिवारी रात्री 10.55 वा. निघते व रविवारी रात्री 10.40 वाजता पोहोचते.

ही गाडी सोमवारी दु. 2.50 वा. निघते व तिरुपतीला मंगळवारी दुपारी 12.30 वा. पोहोचते.

शिर्डी-तिरुपती छत्रपती संभाजीनगरहून रात्री 1.15 वा. निघून तिरुपतीला बुधवारी रात्री 1.30 वा. पोहोचते.

रविवारी सकाळी 4 वा. निघून सोमवारी स. 6.15 वा. पोहोचते.

रविवारी चेन्नई नगरसोल सकाळी 11.35 वाजता निघून सोमवारी सकाळी 9.55 वाजता पोहोचते.

ही व्यवस्था मुख्यतः दक्षिण भारतातून येणाऱ्या भाविकांना शिर्डी दर्शन करून एकाच दिवसात परतण्याची सोय उपलब्ध करून देते.