TRENDING:
जानेवारी 2026 च्या सुरुवातीला दुबईत सोन्याचा भाव सुमारे 520 दिरहम प्रति ग्रॅम होता. मात्र अवघ्या 30 दिवसांतच तब्बल 111 दिरहमांची वाढ झाली असून, ही जवळपास 20 टक्क्यांची उसळी आहे. दुबईच्या रिटेल गोल्ड मार्केटमध्ये ही वाढ अत्यंत वेगवान आणि मोठ्या वाढींमधील एक म्हणून पाहिली जात आहे.
अवघ्या महिन्याभरात काय घडलं?
1 जानेवारी 2026 रोजी सोन्याचा दर Dh520 च्या आसपास होता. पण महिनाभरातच तो Dh111 प्रति ग्रॅमने महागला. इतक्या कमी कालावधीत इतकी मोठी वाढ दुबईच्या सोन्याच्या बाजारात क्वचितच पाहायला मिळते.
advertisement
सोने इतकं महाग का होतंय?
जागतिक बाजारात सोन्याचा दर $5,100 प्रति औंसच्या पुढे गेला आहे. जो गेल्या अनेक दशकांतील सर्वोच्च पातळी मानला जातो.
या तेजीमागे अनेक कारणे आहेत:
जागतिक भू-राजकीय तणाव
अमेरिकन डॉलरची घसरण
केंद्रीय बँकांकडून मोठ्या प्रमाणावर सोन्याची खरेदी
गुंतवणूकदारांचा ‘सेफ-हेवन’कडे वाढता ओढा
या सर्व घटकांमुळे 2026 मध्ये आतापर्यंत सोन्याने 60% पेक्षा जास्त वाढ दाखवली आहे. त्यामुळे सोने हे सध्या जगातील सर्वोत्तम कामगिरी करणाऱ्या मालमत्तांपैकी एक ठरत आहे. दुबईत केवळ सोनेच नाही, तर संपूर्ण धातू बाजारात मोठी हालचाल पाहायला मिळत आहे.
खरेदीदार आणि व्यापाऱ्यांसाठी याचा अर्थ काय?
लग्न, सण किंवा गुंतवणुकीसाठी सोने खरेदी करणाऱ्यांसाठी सध्या खर्च वाढलेला आहे.
दुबईहून सोने आणणाऱ्या किंवा तिथे व्यापार करणाऱ्यांची लागत मोठ्या प्रमाणात वाढली आहे.
लहान व्यापारी आणि ज्वेलर्स ग्राहकांची संख्या घटत असल्याचे सांगतात; महागाईमुळे अनेकजण खरेदी टाळत आहेत.
मात्र ज्यांच्याकडे आधीपासून सोने आहे, त्यांची संपत्ती या तेजीमुळे मोठ्या प्रमाणात वाढली आहे.