Multibagger Stock : 90 दिवस, 6 शेअर्स, किंमत फक्त 10 ते 97 रुपये; रिटर्न पाहून गुंतवणूकदार थक्क

मुंबई: गेल्या तीन महिन्यांत सेन्सेक्स आणि निफ्टी या दोन्ही निर्देशांकांनी सुमारे 7% ची वाढ नोंदवली आहे. पण दुसऱ्या बाजूला, काही स्मॉल-कॅप आणि पेनी स्टॉक्समध्ये अशी जबरदस्त उसळी पाहायला मिळाली आहे की गुंतवणूकदारांची अक्षरशः डोळे विस्फारले आहेत. आज अशाच 6 मल्टीबॅगर शेअर्सबद्दल जाणून घेणार आहोत, ज्यांनी अवघ्या 90 दिवसांत 160% ते 823% पर्यंत अविश्वसनीय रिटर्न दिला आहे.

advertisement

200 रुपयांच्या आत येणाऱ्या या स्टॉक्सनी पुन्हा एकदा सिद्ध केले आहे की मल्टीबॅगर होण्यासाठी कंपनीचे मोठे नाव असणे आवश्यक नाही. योग्य वेळ, योग्य सेक्टर आणि योग्य मोमेंटम ही तीनच गोष्टी एखाद्या शेअरचे भविष्य ठरवतात.

1) GDL Leasing & Finance: 90 दिवसांत तब्बल 823% चा झपाटा

फक्त तीन महिन्यांत हा शेअर 10.60 रुपये वरून थेट 97.81 रुपये इतका उंचावला. म्हणजेच गुंतवणूकदारांनी 90 दिवसांत 823% चा बॅक-टू-बॅक Multibagger रिटर्न मिळवला. शुक्रवारी थोडी Profit Booking झाली असली तरी, शेअरची तेजीकडे धाव अजूनही कायम आहे. अनेक NBFC कंपन्या गेल्या महिन्यांत दबावात असताना हा शेअर मात्र रेसमध्ये बिनधास्त धावताना दिसतो आहे.

2) CHPL Industries: 3 महिन्यांत 401% रिटर्न

टेक्सटाइल ट्रेडिंग करणाऱ्या या कंपनीच्या शेअरनेही तुफानी परफॉर्मन्स दिला. त्याची किंमत 16.70 रुपये वरून थेट 83.60 रुपये पर्यंत झेपावली. म्हणजेच तीन महिन्यांत 401% वाढ. शुक्रवारी यात थोडीशी घसरण झाली खरी, पण मल्टीबॅगर टॅग पक्का ठेवला.

3) Vaghani Techno Build: रिअल इस्टेटचे जबरदस्त कमबॅक, 379% वाढ

रिअल इस्टेट डेव्हलपमेंट आणि TDR ट्रेडिंग करणाऱ्या या कंपनीचा शेअरही जोरदार चमकला. 90 दिवसांपूर्वी 25.39 रुपये असलेला हा स्टॉक आता 121.72 रुपये इतका झाला आहे. त्यामुळे या कंपनीने गुंतवणूकदारांचे पैसे तब्बल 379% ने वाढवले.

4) Filteron Engineers: इंजिनिअरिंग सेक्टरचा स्टार, 323% उडाली किंमत

या मल्टीबॅगर स्टॉकची किंमत तीन महिन्यांत 14.06 रुपये वरून 59.46 रुपये झाली. म्हणजेच 323% चा दमदार रिटर्न. इंजिनिअरिंग बेस्ड कंपन्यांमध्ये उत्साह वाढताना या स्टॉकने विशेष लक्ष वेधून घेतले आहे.

5) Oxford Industries: पेनी स्टॉकची सुपर जंप, 299% वाढ

अवघ्या 0.85 रुपये मध्ये मिळणारा हा पेनी स्टॉक आता 3.39 रुपये च्या पातळीवर पोहोचला आहे. म्हणजेच 299% रिटर्न. टेक्सटाइल फॅब्रिक तयार करणारी ही कंपनी असून, कमी किंमतीतही मोठी उसळी घेण्याची क्षमता याने दाखवून दिली.

6) Saptak Chem & Business: 190% रिटर्न, पेनी स्टॉकची तुफानी कमाई

गेल्या तीन महिन्यांत हा स्टॉक 7.08 रुपये वरून 20.56 रुपये पर्यंत गेला. म्हणजेच 190% रिटर्न. पेनी स्टॉक्समध्ये जोखीम असतेच, पण त्याच जोखमीसोबत अशी तुफानी कमाईही शक्य असते हे या स्टॉकने सिद्ध केले.