नवा महिना, नवे नियम; 1 डिसेंबरपासून 6 गोष्टी बदलणार, घराबाहेर पडण्याआधी जाणून घ्या, नाही तर खिशावर होणार परिणाम

मुंबई: 1 डिसेंबरपासून देशात काही महत्त्वाचे नियम बदलणार असून त्याचा परिणाम थेट सामान्य माणसाच्या दैनंदिन जीवनावर आणि त्याच्या खर्चावर होणार आहे. आर्थिक व्यवहार, गॅस सिलिंडरच्या किमती, आधार कार्ड अपडेट प्रक्रिया, पेंशनशी संबंधित नियम आणि कर (Tax) नियमांमध्ये होणारे हे बदल प्रत्येक नागरिकाने जाणून घेणे आवश्यक आहे, जेणेकरून अचानक अडचणीत येण्याची वेळ येऊ नये. 1 डिसेंबरपासून कोणते महत्त्वाचे बदल लागू होत आहेत ते समजून घ्या...

advertisement

LPG सिलिंडरच्या किमती

तेल कंपन्या दर महिन्याच्या पहिल्या दिवशी LPG गॅस सिलिंडरच्या किमती जाहीर करतात. नोव्हेंबर महिन्यात सरकारने सिलिंडरच्या किमतींमध्ये 6.50 रुपयांपर्यंत कपात केली होती. आता 1 डिसेंबरला सिलिंडरच्या किंमतीत वाढ होणार की आणखी कपात हे जाणून घेणे महत्त्वाचे आहे, कारण याचा थेट परिणाम घरगुती बजेटवर होतो.

आधार कार्डाशी संबंधित नवीन नियम

आधार कार्ड आता देशातील प्रत्येक नागरिकाची मूलभूत ओळख बनली आहे. 1 डिसेंबरपासून आधार अपडेट करणे अधिक सोपे होणार आहे. नवीन नियमांनुसार नाव, पत्ता, जन्मतारीख, मोबाईल नंबर ही माहिती नागरिक ऑनलाइन अपडेट करू शकतील. यावेळी पॅन कार्ड, पासपोर्ट अशा सरकारी दस्तावेजांचा आधार घेऊन अपडेट डेटा Verified केला जाईल. UIDAI ने या प्रक्रियेसाठी नवीन आधार अ‍ॅपही लॉन्च केले आहे.

UPS (Unified Pension Scheme) ची अंतिम तारीख

सरकारी कर्मचाऱ्यांसाठी UPS (युनिफाइड पेंशन स्कीम) मध्ये जाण्याची किंवा NPS (नॅशनल पेंशन सिस्टीम) निवडण्याची अंतिम तारीख 30 नोव्हेंबर ठेवण्यात आली होती. याचा अर्थ 30 नोव्हेंबरपर्यंत कर्मचाऱ्यांनी आपली पेंशन योजना निवडणे आवश्यक आहे.

पेट्रोल-डिझेलच्या किमती

LPG प्रमाणेच तेल कंपन्या पेट्रोल आणि डिझेलच्या किमतींचीही दर महिन्याला पुनरावलोकन करतात. या किमती जागतिक बाजारभाव, कच्च्या तेलाची स्थिती आणि रुपयाच्या मूल्यावर अवलंबून असतात. 1 डिसेंबरपासून पेट्रोल-डिझेलच्या किमतीत वाढ किंवा कपात झाल्यास त्याचा थेट परिणाम सामान्य नागरिकांच्या खर्चावर होईल.

कर (Tax) संबंधित अंतिम तारखा

30 नोव्हेंबरपर्यंत काही डायरेक्ट टॅक्स संबंधी माहिती आणि अनुपालन पूर्ण करणे आवश्यक होते. यात ऑक्टोबर महिन्यात कापलेल्या TDS ची माहिती जमा करण्याची अंतिम तारीखही समाविष्ट आहे.धारा 194-IA, 194-IB, 194-M आणि 194-S अंतर्गत आवश्यक असलेली माहिती वेळेवर न दिल्यास करदात्यांना मोठा दंड बसू शकतो. म्हणून करदात्यांनी वेळेत आपले रिटर्न्स आणि तपशील दाखल करणे अत्यावश्यक आहे.

जीवन प्रमाणपत्र (Life Certificate) – पेंशनधारकांसाठी महत्त्वाचा नियम

सरकारी कर्मचारी निवृत्त झाल्यानंतर त्यांना पेंशन मिळत राहण्यासाठी लाइफ सर्टिफिकेट सादर करणे आवश्यक असते. हे प्रमाणपत्र जमा करण्याची अंतिम तारीख 30 नोव्हेंबर आहे. जर ही तारीख वाढवली गेली नाही आणि पेंशनधारकांनी अजूनही आपले लाइफ सर्टिफिकेट जमा केले नसेल, तर त्यांच्या पेंशनवर तात्पुरती स्थगिती लागू शकते.