व्हर्च्युअल मीटिंगमध्ये 'भलतंच' घडलं, महिला कर्मचारीला पाहून 10 सेकंदाची शांतता; बॉसने जे केलं ते पाहून तुम्हीही थक्क व्हाल

नेमका प्रकार काय?

गेल्या शुक्रवारी जेव्हा नरेश हरवानी यांनी नेहमीप्रमाणे मीटिंग सुरू केली, तेव्हा 21 वर्षीय वर्तिका बिष्ट (सिनीअर बिझनेस डेव्हलपमेंट रिप्रेझेंटेटिव्ह) ही चेहऱ्याला हिरवा फेस पॅक लावून स्क्रीनवर प्रकट झाली. काही सेकंद शांततेत गेल्यानंतर हरवानी यांनी रागावण्याऐवजी शांतपणे विचारले, "हा कोणता फेस पॅक आहे?" त्यावर वर्तिकाने तितक्याच आत्मविश्वासाने "कडुनिंबाचा (Neem) आहे, तुम्हीही ट्राय करायला हवा," असे उत्तर दिले.

advertisement

हा व्हिडिओ व्हायरल झाल्यानंतर त्याला 4 लाखांहून अधिक व्ह्यूज आणि हजारो शेअर्स मिळाले आहेत.

वर्तिकाने नंतर स्पष्ट केले की, हा मार्केटिंग टीमने सीईओसोबत केलेला एक ठरवून केलेला Prank होता. कंपनीत रुजू होऊन केवळ तीन महिने झाले असूनही, तिथल्या सकारात्मक वातावरणामुळेच आपण असे धाडस करू शकलो, असे तिने सांगितले. इतर कोणत्याही कंपनीत मी असे वागले नसते; पण येथील लोक खूप मदत करणारे आणि चांगले आहेत, असे वर्तिका म्हणाली.

सीईओंची सकारात्मक भूमिका

या घटनेवर बोलताना सीईओ नरेश हरवानी म्हणाले की, या प्रकारामुळे मी सुरुवातीला चक्रावून गेलो होतो. पण कामाच्या उत्पादकतेवर (Productivity) परिणाम होत नसेल, तर कर्मचाऱ्यांनी थोडी मजा-मस्ती करण्यास माझी हरकत नाही.

रिमोटस्टार ही कंपनी रिमोट टीम्स तयार करण्याचे काम करते. त्यांच्या स्टाफमध्ये 90 टक्क्यांहून अधिक कर्मचारी 'जेन झी' (Gen Z - 1990 च्या उत्तरार्धात जन्मलेले) आहेत.

स्टार्टअपचा ताण कमी होतो: शून्यातून स्टार्टअप उभा करणे तणावपूर्ण असते, अशा वेळी कामात थोडी मजा असणे टीम बिल्डिंगसाठी फायदेशीर ठरते.

तरुण पिढीची गरज: स्टार्टअप्सना नवीन विचार आणि उर्जेची गरज असते. तसेच एआय (AI) सारख्या बदलत्या तंत्रज्ञानाशी ही पिढी लवकर जुळवून घेते.

कामासोबत आनंदही महत्त्वाचा

हरवानी यांनी मान्य केले की त्यांच्या सुरुवातीच्या प्रवासात ते कामाबाबत खूप गंभीर आणि तणावात असायचे. मात्र तरुण पिढीसोबत काम करताना त्यांना जाणवले की, आनंदी राहूनही अपेक्षित किंवा त्याहून चांगले निकाल मिळवता येतात. तणाव तर असतोच पण या प्रवासाचा आनंदही घेता आला पाहिजे. माझे कर्मचारी कामात चोख असून सोबत मजा करत असतील, तर मला ते नक्कीच आवडेल, असे त्यांनी सांगितले.