असे असणार पर्यायी मार्ग
दादर पूर्वेकडून पश्चिमकडे आणि दादर मार्केटकडे जाणाऱ्या वाहनांना टिळक ब्रीजचा वापर करता येईल. तर, परळ पूर्वेकडून प्रभादेवी आणि लोअर परळकडे जाणारी वाहने करी रोड ब्रीजचा वापर करतील.
परळ, भायखळा पूर्वकडून प्रभादेवी, वरळी, कोस्टल रोड व सी लिंकच्या दिशेने जाणारी वाहने ही चिंचपोकळी ब्रीजचा वापर करतील.
प्रभादेवी व लोअर परेल पश्चिमेकडून परळला, टाटा रुग्णालय व के.ई.एम रुग्णालयकडे जाणाऱ्या वाहनांना दुपारी 3 ते रात्री 11 या काळात करी रोड ब्रीजचा वापर करता येईल.
advertisement
मुंबईकरांचा प्रवास सुस्साट होणार, मे महिन्यात सुरू होणार नवा भुयारी मार्ग, पण कुठं?
करी रोड रेल्वे ब्रिजवरून..
कॉम्रेड कृष्णा देसाई चौककडून (भारत माता जंक्शन) शिंगटे मास्तर चौककडे वाहतूक ही सकाळी 7 ते दुपारी 3 या काळात एकेरी असणार आहे. तर शिंगटे मास्तर चौककडून कॉम्रेड कृष्णा देसाई चौकाकडे (भारत माता जंक्शन) वाहतूक दुपारी 3 ते रात्री 11 या वेलेत एक मार्गी असणार आहे.
इथे नो पार्किंग!
सेनापती बापट मार्ग : संत रोहिदास चौक (एलफिन्स्टन जंक्शन) ते रखांगी जंक्शन
ना. म. जोशी मार्ग : कॉम्रेड गुलाबराव गणाचार्य चौक (आर्थर रोड नाका) ते धनमिल नाका
भवानी शंकर मार्ग : हनुमान मंदिर, कबुतरखाना ते गोपीनाथ चव्हाण चौक
महादेव पालव मार्ग : कॉम्रेड कृष्णा देसाई चौक (भारत माता जंक्शन) ते शिंगटे मास्तर चौक
साने गुरुजी मार्ग : संत जगनाडे चौक ते कॉम्रेड गुलाबराव गणाचार्य चौक (आर्थर रोड नाका)
रावबहादूर एस. के. बोले मार्ग : हनुमान मंदिर ते पोर्तुगीज चर्च डॉ. बाबासाहेब आंबेडकर मार्ग
दोन रुग्णवाहिका तैनात
मुंबई महानगर विकास प्राधिकरण विभागमार्फत परेल व प्रभादेवी परिसरातील नागरिकांना आपत्कालीन परिस्थितीमध्ये रुग्णालयात जाण्या व येण्यासाठी दोन रुग्णवाहिकांची सोय करण्यात आली आहे. यातील एक रुग्णवाहिका प्रभादेवी रेल्वेस्थानक पश्चिम रेल्वे पादचारी पूल येथे, तर दुसरी रुग्णवाहिका परळ रेल्वेस्थानक पूर्व येथे उपलब्ध असणार आहे.
दरम्यान, मुंबई महानगर विकास प्राधिकरण (एमएमआरडीए) कडून हा पूल तोडून त्या ठिकाणी नवीन उड्डाणपूल बांधण्यात येणार आहे. हा नवा पूल शिवडी वरळी एलिव्हेटेड कनेक्टरचा महत्त्वाचा भाग असणार आहे.