TRENDING:
नेमकं घडलं तरी काय?
मिळालेल्या माहितीनुसार, गोवंडी रेल्वे स्थानकावरील प्लॅटफॉर्मवर असलेल्या एका बेंचवर ही तरुणी बसलेली होती.तर दुसऱ्या प्लॅटफॉर्मवर बसलेला एक तरुण तिच्याकडे सतत एकटक नजर लावत होता. धक्कादायक तर म्हणजे काही मिनिटांनी त्याने अश्लील हावभाव करण्यास सुरुवात केली. तरुणीने पहिल्यांदा तर या प्रकाराकडे दुर्लक्ष करण्याचा प्रयत्न केला, पण त्याचं हे वागणं अधिक विचित्र आणि अधिक घाणेरडे होत गेले. शेवटी संताप अनावर झालेल्या तरुणीने धाडस दाखवले आणि थेट त्या तरुणाजवळ जाऊन त्याला जाब विचारला. ''का बघतोयस? हे काय हावभाव करत होतास?''मात्र त्यानंतर तरुणीला हे सहन न होताच तिने त्याच्या कानशिलात लगावली.
advertisement
https://www.instagram.com/p/DRgmoCODZA7/
तरुणीने दाखवलेलं धाडस पाहून सर्वजण थक्क
घडलेल्या या घटनेनंतर प्लॅटफॉर्मवरचे अनेक प्रवासी तिच्या मदतीला आले आणि त्यांनीही त्या तरुणाला चांगलाच चोप दिला. त्या वेळी कोणीतरी सर्व प्रकार मोबाईलमध्ये कैद केला आणि त्यानंतर सोशल मीडियावर काही तासांतच व्हायरल झाला. एवढंच नाही तर कमेंटबॉक्स नेटकऱ्यांनी तरुणीच्या धाडसाचे कौतुक केले तर तरुणाच्या वागण्यावर प्रचंड संताप व्यक्त केला.
मुंबई लोकलमध्ये अशा छेडछाडीच्या घटना वाढल्याने महिला प्रवाशांमध्ये भीतीचे वातावरण निर्माण झाले आहे. सुरक्षिततेसाठी रेल्वे पोलिसांकडून विविध मोहीम राबवण्यात येतात, मात्र तरीही काही विकृत प्रवासी नियमांकडे दुर्लक्ष करतात. गोवंडीतील ही घटना हा प्रकार किती गंभीर झाला आहे याचे जिवंत उदाहरण आहे. महिलांवर अशा विकृतांचा मानसिक त्रास वाढत चालला असून यावर कठोर पावले उचलण्याची मागणी आता सर्वत्र होत आहे.