कोकण मंडळातील म्हाडाच्या घरांच्या सोडतीसाठी अर्ज भरण्याची प्रक्रिया 11 ऑक्टोबर 2024 रोजी सुरू झाली. अर्ज भरण्यासाठी 24 डिसेंबरपर्यंतची मुदत देण्यात आली होती. परंतु, आता यामध्ये वाढ करण्यात आली असून 6 जानेवारी रोजी रात्री 11.59 वाजेपर्यंत अर्ज करता येणार आहे. त्यानंतर ऑनलाईन अर्ज प्रक्रिया बंद करण्यात येणार आहे. तर 7 जानेवारी रोजी रात्री 11.59 पर्यंत अर्जदारांना अनामत रक्कम भरता येईल. तसेच 7 जानेवारी रोजी संबंधित बँकेच्या कार्यालयीन वेळेत RTGS/NEFT करून देखील अनामत रकमेचा भरणा करता येईल.
advertisement
Mumbai Weather Update: मुंबईत गारठा कायम, कोकणात हुडहुडी, आज कसं असेल हवामान?
दरम्यान, सोडतीसाठी पात्र झालेल्या उमेदवारांची यादी 20 जानेवारी 2025 रोजी सायंकाळी 6 वाजता म्हाडाच्या https://housing.mhada.gov.in/ या अधिकृत वेबसाईटवर प्रसिद्ध केली जाणार आहे. त्यानंतर 22 जानेवारी 2025 रोजी सायंकाळी 5 वाजेपर्यंत अर्जदारांना प्रारुप यादीवर आपल्या दावे व हरकती नोंदवण्यात येतील. 24 जानेवारी रोजी सायंकाळी 6 वाजता सोडतीत सहभागी अर्जांची यादी म्हाडाच्या संकेतस्थळावर प्रसिद्ध करण्यात येईल.
कोकण मंडळाने 2264 घरांसह 12,626 घरांची विक्री करण्याची तयारी सुरू केलीये. यातील 12,626 घरे ही ‘प्रथम येणाऱ्यास प्रथम प्राधान्य’ या तत्वानुसार देण्यात येणार आहेत. या योजनेत विरारसह इतर भागातील तयार घरांचा समावेश आहे. यासाठी म्हाडाकडून विशेष मोहीम चावलण्यात आली होती. परंतु, मोठ्या प्रयत्नानंतरही कोकण मंडळातील घराची विक्री झालेली नाही. त्यामुळे पुन्हा मुदतवाढ देण्यात आल्याचं सांगितलं जातंय.