BMC Muslim Corporator List : मुंबईत 'पतंग' गगनाला भिडली, काँग्रेसची 'शांतीत क्रांती', पाहा मुंबईतील विजयी मुस्लीम उमेदवारांची यादी!

यंदा ३१ मुस्लिम नगरसेवक

मुंबई महापालिकेत यंदा ३१ मुस्लिम नगरसेवक निवडून आले आहेत, ही संख्या २०१७ मधील २७ नगरसेवकांच्या तुलनेत ४ ने वाढली आहे. या समुदायाने पुन्हा एकदा काँग्रेसवर मोठा विश्वास दाखवला असून, एकूण ३१ पैकी १४ नगरसेवक एकट्या काँग्रेसचे आहेत. मात्र, गोवंडीसारख्या भागात मोठा फेरबदल पाहायला मिळाला, जिथे मतदारांनी समाजवादी पक्षाला (SP) नाकारून एमआयएमला (AIMIM) पसंती दिली आहे. निवडून आलेल्या इतर नगरसेवकांमध्ये ७ एमआयएमचे, ३ राष्ट्रवादी (अजित पवार गट), ३ शिवसेना (UBT), २ समाजवादी पक्ष आणि २ शिवसेना (शिंदे गट) अशा उमेदवारांचा समावेश आहे.

advertisement

मुंबईत काँग्रेसचे पुनरागमन

या निकालांचे विश्लेषण करताना काँग्रेसचे आमदार अमीन पटेल यांनी सांगितले की, "हा निकाल म्हणजे काँग्रेसचे पुनरागमन आहे. समुदायाने राजकीय प्रगल्भता दाखवली असून आमच्या निम्म्या जागांवर मुस्लिम उमेदवार विजयी झाले आहेत." दुसरीकडे, उद्धव ठाकरेंच्या नेतृत्वाखालील शिवसेना (UBT) पक्षाने ९ पैकी ३ जागा जिंकून मुस्लिम मतदारांमध्ये आपली पोहोच वाढवल्याचे चित्र आहे. ससाबा हारून खान (वॉर्ड ६४), सकीना अयुब शेख (१२४) आणि झीशान मुलतानी (६२) हे ठाकरे गटाचे विजयी उमेदवार ठरले आहेत.

दरम्यान, समाजवादी पक्षासाठी हा निकाल मोठा धक्का मानला जात आहे, कारण गेली दोन दशके मुंबईतील मुस्लिम मतदारांचा हा पक्ष मुख्य आधार होता. उर्दू टाईम्सचे संपादक सुहेल अहमद यांच्या मते, मुस्लिम मतदारांनी केवळ भाषणांवर न जाता पायाभूत सुविधा आणि आरोग्यासारख्या मूलभूत प्रश्नांना महत्त्व देऊन बदलासाठी मतदान केले आहे. विधानसभा आणि लोकसभा निवडणुकांप्रमाणे या निवडणुकीत मुस्लिम मतदारांनी शिवसेना (UBT) किंवा शरद पवार यांच्या पक्षाला तितकासा पाठिंबा दिला नसल्याचेही या आकडेवारीवरून स्पष्ट होत आहे.

मुंबईतील मुस्लीम विजयी उमेदवार -

प्रभाग क्रमांक ६२ – जिशान मुलतानी (शिवसेना ठाकरे)

वॉर्ड क्रमांक १३४- मेहजबिन खान - एमआयएम

वॉर्ड क्रमांक १३६- जमीर कुरेशी - एमआयएम

वॉर्ड क्रमांक १३७- समीर पटेल- एमआयएम

वॉर्ड क्रमांक १३८- रोशन शेख- एमआयएम

वॉर्ड क्रमांक १३९- शबाना शेख- एमआयएम

वॉर्ड क्रमांक १४५- खैरुनिसा हुसेन- एमआयएम

प्रभाग क्रमांक ६६ – हैदर मेहर मोहसीन (काँग्रेस)

प्रभाग क्रमांक १६५ – आशरफ आझमी (काँग्रेस)

प्रभाग क्रमांक १६७ -डॉ.समन आझमी (काँग्रेस)

प्रभाग क्रमांक ३३- कमरजहा मोईन सिद्दीकी (काँग्रेस)

प्रभाग क्रमांक ३४ - हैदरअली अस्लम शेख (काँग्रेस)

प्रभाग क्रमांक ४८ - रफीक इलीयास शेख (काँग्रेस)

प्रभाग क्रमांक ९२ - मोहम्मद इब्राहीम कुरेशी (काँग्रेस)

प्रभाग क्रमांक १८४ - साजिदाबी ब्बबू खान (काँग्रेस)

प्रभाग क्रमांक २११ - वकार खान (काँग्रेस)

प्रभाग क्रमांक २१३ - नसीमा जावेद जुनेजा (काँग्रेस)

प्रभाग क्रमांक २२४ - रुक्साना पारक (काँग्रेस)

प्रभाग क्रमांक १२४ – सकीना शेख (राष्ट्रवादी-अजित पवार)

प्रभाग क्रमांक १७० – बुशरा मलिक (राष्ट्रवादी अजित पवार)

प्रभाग क्रमांक २१२ – अब्रहणी अमरीन शेहझाद (सपा)