Mumbai Metro 3 Monthly Pass: मेट्रो 3 ॲक्वा लाईनचा मासिक पास उपलब्ध, किंमत किती? तो कसा काढायचा? जाणून घ्या A To Z माहिती...

आरे जेव्हीएलआर ते कफ परेड पर्यंत असणार्‍या मेट्रो 3 मार्गिकेवर दैनंदिन प्रवास करणाऱ्या प्रवाशांना 28 नोव्हेंबरपासून अधिकृतपणे मासिक पास सुविधा सुरू करण्यात आली आहे. मेट्रो कनेक्ट-3 ॲप (Metro Connect 3 App) वरून हे पास खरेदी करता येणार आहे. मासिक पासमुळे प्रवाशांच्या पैशांमध्ये मोठी बचत होणार आहे. हे मासिक पास सवलतीने उपलब्ध होणार असून मेट्रो मार्गासाठी मोबाईल ॲपद्वारे पास सुविधा उपलब्ध करून देणारी देशातील पहिली मेट्रो मार्गिकेचे संचलन करणारी यंत्रणा ठरली आहे. दररोज तिकिट काढण्याच्या कटकटीतून प्रवाशांची सुटका व्हावी, यासाठी एमएमआरसीने पास सुविधा सुरू केली.

advertisement

प्रवासी जर महिन्याला 60 ट्रीप करत असतील तर त्यांना पासवर 15 टक्के सुट मिळेल. आणि जर 45 ट्रीप करत असतील तर, त्यांना 10 टक्के सुट मिळणार असल्याची माहिती मुंबई मेट्रो रेल कॉर्पोरेशनच्या (एमएमआरसी) अधिकाऱ्यांनी दिली आहे. काही दिवसांपूर्वीच एमएमआरसीने दिव्यांग प्रवाशांना तिकीट दरात सवलत दिली होती. आता दररोज प्रवास करणार्‍या प्रवाशांना सुविधा उपलब्ध करुन दिली आहे. तिकीट खरेदीची प्रक्रिया सोपी, डिजिटल आणि टेन्शन फ्री करण्याच्या उद्देशाने तयार केली. मेट्रो कनेक्ट 3 ॲपवर सोप्या पद्धतीने प्रवाशी पास खरेदी करून थेट मोबाईलवरूनही पास वापरू शकतात. यामुळे पेपर तिकीटाची आवश्यकता राहणार नाही.

डिजिटली पद्धतीने प्रवाशांना ॲपच्या माध्यमातून QR कोड स्कॅन करून आणि पेमेंट करून प्रवाशांना पास ॲक्टिव्ह करता येईल. सिंगल जर्नी तिकीटाची किंमत 10 रू. पासून 80 रू. पर्यंत आहे. पण मासिक पासमुळे वारंवार प्रवास करणार्‍यांच्या खिशामध्ये मोठी बचत होणार आहे. मेट्रो कनेक्ट-3 ॲप (Metro Connect 3 App) तुम्ही गुगल प्ले स्टोअरवरून डाऊनलोड करू शकणार आहेत.

ॲप डाऊनलोड करून पास कसा काढायचा ? जाणून घ्या प्रक्रिया

1. सर्वात प्रथम मेट्रो कनेक्ट-3 ॲप डाऊनलोड करा.

2. गुगलला कनेक्ट करून तुमची खासगी माहिती द्या

3. त्यानंतर ओरिजिन- डेस्टिनेशन निवडा.

4. पास प्रकार निवडा आणि पेमेंट करा (UPI, कार्ड इ.).

5. त्यानंतर पासला QR कोडच्या माध्यमातून स्टेशनवर स्कॅन करा. यामुळे रोज रांगेत उभं रहावं लागणार नाही.