TRENDING:
खूप दिवसांची प्रतीक्षा संपली!
नव्या योजनेनुसार प्रवाशांना दरमहा 60 ट्रिप पासवर 15 टक्के सवलत मिळणार आहे तर तर 45 ट्रिप पासवर 10 टक्के सवलत देण्यात येणार आहे. या सुविधेमुळे रोज ऑफिसला जाणाऱ्या आणि परत येणाऱ्या प्रवाशांना मोठा दिलासा मिळणार आहे. आतापर्यंत दिव्यांग प्रवाशांसाठीच सवलतीची योजना सुरू करण्यात आली होती. पण आता सर्वसामान्य प्रवाशांसाठी देखील नियमित प्रवास अधिक स्वस्त आणि सोयीस्कर करण्याची पावले उचलण्यात आली आहेत.
advertisement
एमएमआरसीएने सांगितले की दररोजचं तिकीट काढण्याचा त्रास टाळण्यासाठी आणि प्रवास अधिक किफायतशीर करण्यासाठी ही योजना सुरू करण्यात आली आहे. दररोज तिकीट खरेदी करायची कटकट संपावी आणि डिजिटल पद्धतीने झटपट व्यवहार व्हावा हा या योजनेचा मुख्य हेतू आहे.
कधी पासून सुरु होणार सुविधा?
विशेष म्हणजे पास खरेदी प्रक्रिया अतिशय सोपी आणि पूर्णपणे डिजिटल आहे. मेट्रो-3 ही देशातील पहिली अशी मेट्रो व्यवस्था आहे जिथे मोबाइल अॅपद्वारे मासिक पासची सुविधा देण्यात आली आहे. 28 नोव्हेंबरपासून हे पास सर्व प्रवाशांना उपलब्ध झाले आहेत.
प्रवाशांनी मेट्रो कनेक्ट-3 अॅप उघडून आवश्यक ते पास निवडायचा त्यानंतर ऑनलाइन पेमेंट करायचे आणि त्या डिजिटल पासद्वारे थेट गेटवरून प्रवास सुरू करता येतो. त्यामुळे तिकीट काउंटरवर उभं राहण्याची गरज नाही. तसेच हा पास पूर्णपणे संपर्कविरहित असल्याने प्रवास अधिक सुरक्षित आणि जलद होतो.