चेहऱ्यावर आणि गळ्यावर मारल्याचे व्रण
मागील महिन्यात 3 ऑक्टोबर रोजी अनंतच्या वाढदिवसानिमित्ताने आई-वडिलांनी काहीही न कळवता जेव्हा तिचं घर गाठलं. तेव्हा, गौरी हिच्या चेहऱ्यावर आणि गळ्यावर मारल्याचे व्रण दिसले. आई-वडिलांना पाहून ती घाबरली. तुम्ही जा, असं ती सांगत होती, त्यावेळी आई-वडिलांना संशय आल्यानंतर त्यांनी लेकीकडे विचारपूस केली होती.
advertisement
हाती लागलेल्या कागदपत्राने बसला धक्का
अनंतने छोट्या छोट्या कारणातून वाद घालण्यास सुरुवात केली. त्यात, घराच्या शिफ्टिंगदरम्यान हाती लागलेल्या कागदपत्राने तिच्या पायाखालची जमीन सरकली. 2021 रोजीचे लातूरच्या एका गर्भवती महिलेचे संमतीपत्र आणि जाहीरनामा होता. त्यात, महिलेच्या पतीचे नाव अनंत गर्जे असं नमूद होतं. त्यामुळे अनंतने आपल्याला धोका दिलाय, असा संशय अनंतला होता.
तुझं नाव चिठीत लिहून आत्महत्या करीन
दरम्यान, अनंतकडे या कागदपत्रांबाबत चौकशी केल्यानंतर त्याने याबाबत तुला काय करायचे ते कर, मी कोणाला घाबरत नाही, याबाबत कोणाला सांगितलं तर, तुझं नाव चिठीत लिहून आत्महत्या करीन, अशी धमकी दिल्याचे तिने आई - वडिलांना सांगितले. त्याने मारहाण केल्याचेही गौरीने सांगितलं होतं.
पंकजा मुंडे काय म्हणाल्या?
दरम्यान, दिनांक 22 नोव्हेंबर 2025 रोजी संध्याकाळी साडे सहा ते पावणे सातच्या सुमारास माझा पीए अनंतचा फोन माझ्या दुसऱ्या पीएच्या फोनवर आला. तो खूप रडत होता. पत्नीने आत्महत्या केल्याचे अत्यंत आक्रोशाने त्याने मला सांगितले. ही गोष्ट माझ्यासाठी ही खूप धक्कादायक होती. पोलिसांच्या कुठल्याही कारवाईमध्ये कसूर राहू नये आणि त्यांनी योग्य तपास करून या विषयाला हाताळावे, असं पंकजा मुंडे म्हणाल्या आहेत.