TRENDING:
धारावीत नेमकं घडलं तरी काय?
मिळालेल्या माहितीनुसार, 35 वर्षीय तक्रारदार महिला धारावीत राहते आणि घरकाम करून कुटुंबाला हातभार लावते. पीडित मुलगी ही तिचीच मुलगी आहे तर आरोपी हा तिचा 38 वर्षीय पती आहे. पीडितेच्या आईने दिलेल्या तक्रारीनुसार या अत्याचाराची सुरुवात ऑगस्ट महिन्यात झाली. रक्षाबंधनासाठी पीडितेची आई माहेरी गेली होती. दरम्यान आरोपी पती आणि त्यांची दोन मुले घरात होती. घरात कोणीही नसल्याची संधी साधून आरोपीने स्वतःच्या मुलीवर लैंगिक अत्याचार केला.
advertisement
पहिला अत्याचार केल्यानंतरही आरोपीचे हे धक्कादायक कृत्य थांबले नाही. ऑगस्ट महिन्यापासून ते थेट नोव्हेंबर महिन्यापर्यंत त्याने अनेकदा अल्पवयीन मुलीवर अत्याचार केला. हे धक्कादायक कृत्य 16 नोव्हेंबर रोजी पुन्हा एकदा समोर आले. या दिवशी त्याने मुलीवर अत्याचार तर केलाच पण त्याने तिचे अश्लील व्हिडीओ देखील बनवले. हा प्रकार कोणालाही सांगितल्यास जीवे मारण्याची धमकी त्याने मुलीला दिली होती.
अखेर चिमुकलीने तिच्या सोबत घडलेला सर्व प्रकाराबद्दल आपल्या आईला सांगितले. त्यानंतर महिलेने तात्काळ धारावी पोलीस ठाण्यात धाव घेऊन तक्रार नोंदवली. पोलिसांनी तक्रारीची गांभीर्याने दखल घेत 38 वर्षीय आरोपी वडिलांना लगेच अटक केली आहे.