TRENDING:
माटुंगा हादरवणारी प्रियकराची संतापजनक करामत
पीडित तरुणी माहीम परिसरात वास्तव्यास असून त्याच भागात तिचे छोटे दुकान आहे. आरोपी नेहमी खरेदीसाठी तिच्या दुकानात येत असल्याने दोघांमध्ये ओळख झाली. हळूहळू ही ओळख मैत्रीत आणि पुढे प्रेमसंबंधात बदलली. मात्र या नात्याचा गैरफायदा घेत आरोपीने जून 2024 ते जानेवारी 2026 या कालावधीत तरुणीवर तिच्या इच्छेविरुद्ध जबरदस्ती केल्याचा आरोप आहे.
advertisement
तसेच आरोपीने तिचे अश्लील फोटो काढले. फोटो काढण्यास विरोध केल्यास तो शिवीगाळ करत मारहाण करत असल्याचेही तक्रारीत सांगितले आहे. काही दिवसांपूर्वी आरोपीने बनावट सोशल मीडिया अकाऊंट तयार करून तिचे खासगी फोटो ऑनलाईन व्हायरल केल्याचे समोर आले आहे. या घटनेमुळे तरुणी मानसिक तणावाखाली गेली होती.
ब्लॅकमेल करणाऱ्या प्रियकराचा शोध
अखेर पीडितेने माटुंगा पोलीस ठाण्यात धाव घेत तक्रार दाखल केली. पोलिसांनी गुन्हा नोंदवून आरोपीचा शोध सुरू केला असून सायबर तज्ज्ञांच्या मदतीने सोशल मीडिया अकाऊंट्सची तपासणी सुरू आहे. या प्रकरणाचा पुढील तपास माटुंगा पोलीस करत आहेत.