TRENDING:
कोणता निर्णय घेण्यात आला?
पश्चिम रेल्वेच्या विरार-डहाणू मार्गावर पहिल्यांदा 15 डब्यांच्या लोकल गाड्या धावणार आहेत. नवीन वर्षाच्या वेळापत्रकानुसार हा बदल केला जाणार असून त्यानुसार 15 डब्यांच्या सहा फेऱ्या सुरू होतील तसेच चर्चगेट-विरार दरम्यान एसी गाड्यांच्या फेऱ्या देखील वाढविण्याचा निर्णय घेण्यात आला आहे.
कधी पासून लागू करण्यात 'हा' निर्णय
वर्षातून एकदा रेल्वेचे सुधारित वेळापत्रक सामान्यतहा ऑक्टोबर महिन्यामध्ये जाहीर केले जाते, पण यंदा ते वेळापत्रक जानेवारीपासून लागू होईल. अधिकाऱ्यांच्या माहितीनुसार 1 जानेवारीपासून मेल आणि एक्स्प्रेस ट्रेनचे वेळापत्रक लागू होईल तर लोकल ट्रेनचे वेळापत्रक मार्च किंवा एप्रिलपासून लागू केले जाईल.
advertisement
डहाणू-विरार परिसरात गेल्या काही वर्षांत लोकसंख्या आणि उद्योग झपाट्याने वाढले आहेत. पालघर, वैतरणा, डहाणू, बोईसर आणि विरारमधून दररोज लाखो लोक प्रवास करतात. सकाळी आणि संध्याकाळी सध्या धावत असलेल्या 12 डब्यांच्या गाड्या प्रवाशांची गर्दी हाताळण्यासाठी अनेकदा पुरेश्या नसतात.
चर्चगेट ते विरार एसी लोकल धावणार
पश्चिम रेल्वेने चर्चगेट-विरार मार्गावर 10 ते 12 अतिरिक्त एसी लोकल गाड्या चालवण्याची योजना आखली आहे. याशिवाय 2 नवीन एसी लोकल गाड्या उपलब्ध करून दिल्या जाणार आहेत. या नवीन गाड्या जानेवारी 2026 पर्यंत मिळाल्यास तर काही नॉन एसी लोकल ऐवजी एसी लोकल गाड्या सुरू केल्या जातील.
या बदलांमुळे प्रवाशांचा प्रवास अधिक आरामदायी आणि सुरक्षित होईल. गर्दीच्या वेळेत लोकांना सहज बसण्याची सुविधा मिळेल आणि प्रवासाचा अनुभव अधिक चांगला होईल.