'टेक ऑफच्या 30 सेकंदांनंतर विमानातून मोठा आवाज आला आणि विमान कोसळलं. काही कळायच्या आतमध्येच सगळं घडलं', अशी प्रतिक्रिया विश्वास यांनी दिली आहे. विमान अपघातामध्ये विश्वास यांची छाती, डोळे आणि पायाला दुखापत झाली आहे.
'मी जेव्हा उठलो तेव्हा माझ्या आजूबाजूला मृतदेहांचा खच पडला होता. मी बराच घाबरलो आणि तिथून पळायला लागलो. माझ्या बाजूला विमानाचे तुकडे पडले होते. मला कुणीतरी पकडलं आणि ऍम्ब्युलन्समध्ये टाकून रुग्णालयात आणलं', असं विश्वास यांनी सांगितलं आहे. मागच्या 20 वर्षांपासून विश्वास लंडनमध्ये राहत आहेत, विश्वास यांची पत्नी आणि मुलगाही लंडनमध्येच आहेत.
advertisement
'माझा भाऊ अजय दुसरीकडे बसला होता. आम्ही दिवला जाऊन आलो होतो. तो माझ्यासोबतच प्रवास करत होता, पण आता तो सापडत नाहीये. माझ्या भावाला शोधा', असं आवाहन विश्वास यांनी केलं आहे. अहमदाबादहून लंडनला निघालेल्या या विमानात 230 प्रवासी आणि 12 क्रू मेंबर असे 242 जण होते. या 242 जणांपैकी 241 जणांचा मृत्यू झाल्याची माहिती समोर येत आहे.