आज सकाळी हैदराबादमध्ये ऐतिहासिक चारमिनारजवळील गुलजार हाऊस रोडवरील एका इमारतीत भीषण आग लागली. यामध्ये 3 महिला आणि 2 मुलांसह किमान 8 जणांचा मृत्यू झाला आहे. उपचारादरम्यान त्यांचा मृत्यू झाला. अग्निशमन दलाच्या 10 हून अधिक गाड्या घटनास्थळी दाखल झाल्या आणि आग अधिक पसरू नये म्हणून अग्निशमन दलाच्या जवानांनी आग विझवण्याचे काम युद्धपातळीवर केलं. या घटनेमुळे दाट लोकवस्तीच्या परिसरात भीती पसरली आहे.
advertisement
अग्निशमन दलाकडून सुमारे 16 जणांना वाचवण्यात आलं आणि त्यांना तातडीने विविध रुग्णालयात हलवण्यात आलं. अनेक बळींना गंभीर गुदमरल्यासारखं आणि भाजलेल्या जखमा झाल्या. आगीचे नेमके कारण अद्याप तपासाधीन असल्याचे अधिकाऱ्यांनी सांगितले आहे.
भारत सरकार आवश्यक ते सहकार्य आणि मदत करेल. भविष्यात अशा दुर्घटना टाळण्यासाठी मी राज्य सरकारला इमारतींचे अग्निसुरक्षा ऑडिटसह सर्व आवश्यक खबरदारी घेण्याची विनंती करतो, असं जी किशन रेड्डी यांनी म्हटलं आहे.