२०२० च्या निवडणुकीत त्या पहिल्यांदा आमदार झाल्या. तर २०२३ मध्ये केजरीवाल यांनी त्यांना मंत्रिमंडळात संधी दिली. आता वर्षभरातच त्यांच्यावर मुख्यमंत्रीपदाची जबाबदारी सोपवली. याआधी २०१९ मध्ये त्यांनी लोकसभा निवडणूक लढली होती. तेव्हा आतिशी यांचा भाजप उमेदवार गौतम गंभीरने पराभव केला होता.
आतिशी यांना केजरीवाल यांच्या निकटवर्तीय म्हणून ओळखल्या जातात. त्या अण्णा हजारे यांच्या आंदोलनापासून संघटनेत सक्रीय आहेत. यावेळी त्यांच्याकडे सर्वाधिक मंत्रालयांची जबाबदारी होती. मार्च महिन्यात केजरीवाल जेव्हा तुरुंगात गेले तेव्हापासून सरकारमध्ये त्यांनी सर्व जबाबदारी सांभाळली होती.
advertisement
१९८१ मध्ये दिल्लीत जन्मलेला आतिशी यांचे वडील दिल्ली विद्यापीठात प्राध्यापक होते. आतिशी यांचे शालेय शिक्षण दिल्लीतील शाळेत झालं. त्यानंतर ऑक्सफर्ड विद्यापीठात त्यांनी पदव्युत्तर पदवी संपादन केली. ऑक्सफर्डमधून परतल्यानंतर मध्य प्रदेशातील एका लहान गावात त्यांनी सात वर्षे काम केलं. तिथं एनजीओसोबत काम करताना त्यांची ओळख आपच्या काही सदस्यांसोबत झाली आणि पक्षाच्या स्थापनेत त्या सहभागी झाल्या.