बेरिंग एअरचे एक विमान उनालाक्लीट येथून नोमला जात होते. गुरुवारी ठरलेल्या वेळेत संध्याकळी ४ वाजता हे विमान नोम येथे पोहोचणार होते. मात्र विमानाचा अचानक संपर्क तुटला आणि ते गायब झाले. स्थानिक तसेच राज्यातील अधिकारी विमानाचा शोध घेत आहेत. ६ फेब्रुवारी २०२५ रोजी संध्याकाळी ४:०० वाजता AKRCC कडून एक विमान बेपत्ता झाल्याची माहिती AST ला देण्यात आली. या विमानाचे शेवटचे लोकेशन दुपारी ३:१६ वाजता Bering Sea मधील Norton Sound भागात दिसले.
advertisement
प्रेमानंद महाराजांवर मथुरेतील लोक नाराज; अनुयायी आणि लोकांमध्ये झाली बाचाबाची
अलास्का स्टेट ट्रूपर्स आणि राष्ट्रीय वाहतूक सुरक्षा बोर्ड तसेच बचाव दल विमानाशी संपर्क झालेल्या शेवटच्या बिंदूपासून त्याचा शोध घेण्याचा प्रयत्न करत आहेत. नोम फायर डिपार्टमेंटच्या अधिकाऱ्यांनी दिलेल्या माहितीनुसार बेरिंग विमानात ९ प्रवासी आणि एक पायलट होता. खराब हवामानामुळे आणि दृश्यता कमी झाल्याने अपघात झाल्याची शक्यता व्यक्त केली जात आहे.
संपूर्ण शहराचा नाश करणारा लघुग्रह, पृथ्वीवर कधी आदळणार; NASAने तारीखच सांगितली
आम्ही नोम आणि व्हाइट माउंटेन या परिसरात विमानाचा शोध घेत आहोत. दरम्यान शोध पथकातील अधिकाऱ्यांनी लोकांना आवाहन केले आहे की, त्याने विमानाचा शोध घेण्याचा प्रयत्न करू नये. कारण खराब हवामानामुळे अधिक लोक बेपत्ता होण्याची शक्यता आहे. शुक्रवार सकाळपर्यंत अधिकृतपणे या विमानाला अपघात झाल्याचे जाहीर करण्यात आले नाही.
गेल्या ९ दिवसात झालेली अशा प्रकारची ही तिसरी घटना आहे. याआधी ६ फेब्रुवारी रोजी फिलिपाइन्समध्ये एका अमेरिकन कॉन्ट्रॅक्टेड विमानाचा अपघात होऊन ४ जण ठार झाले. तर गेल्या आठवड्यात वॉशिंग्टन DCच्या Reagan Airport जवळ US Army हेलिकॉप्टर आणि American Airlines च्या विमानाचा धडक होऊन ६७ जणांचा मृत्यू झाला होता.