TRENDING:
समोर आली तारीख
पिंपरी डेअरी फार्म येशील उड्डाणपुलाचे काम प्रगतिपथावर असून सध्या रेल्वे क्रॉसिंगवर स्टील गर्डर टाकण्याचे काम सुरु झाले आहे. अजून पाच दिवसांनतर म्हणजेच 21 मार्चपर्यंत दररोज दोन तासांचा ब्लॉक घेऊन हे काम पुर्ण करणार आहे. राहिलेले काम हे एप्रिलच्या शेवटच्या आठवड्यापर्यंत पूर्ण करण्यात येणार असून हा पुल त्यानंतर खुला करण्याचे नियोजन असल्याचे महापालिका प्रशासनाने सांगितले आहे.
advertisement
अनेकांना पिंपळे सौदागर, रहाटणी, पिंपरी कॅम्पमार्गे पिंपरी गावतातून पुणे-मुंबई महामार्गावर जाण्यासाठी वाहनांना याच पिंपरी डेअरी फार्म रस्ताने बाहेर पडावे लागते तर दुसरीकडे पुणे- मुंबई महामार्गावरुन पिंपरी कॅम्प आणि पिंपरी गावातून पुढे जाण्यासाठी याच मार्गाचा वापर करावा लागत होता. पण लोहमार्गावर फाटक पडल्यानंतर दोन्ही बाजूंनी वाहतूककोंडी होत होती.
पिंपरी आणि परिसरातील रहिवाशांच्या सोयीसाठी तसेच कोंडी दूर करण्याच्या उद्देशाने पिंपरी-चिंचवड महापालिकेच्या मार्फत पिंपरी डेअरी फार्म रस्त्यावर उड्डाणपूल बांधण्याचा निर्णय घेण्यात आला होता.