Chandra Grahan 2026 Rashifal: डोक्याला ताप की सुखाची पहाट? सिंह राशीत लागणारं चंद्रग्रहण तुमच्या राशीला काय देईल

मेष - हे ग्रहण तुमच्या राशीच्या पाचव्या स्थानी आहे. या काळात लांबचा प्रवास टाळा, कारण तो त्रासदायक ठरू शकतो. चंद्र आणि राहूच्या स्थितीमुळे वैयक्तिक आयुष्य आणि घरगुती प्रतिमेवर परिणाम होऊ शकतो. आर्थिक नुकसान होण्याची शक्यता असल्याने पैसे वाचवणे कठीण जाईल. नोकरी आणि व्यवसायात सावध राहा.

वृषभ - ग्रहण तुमच्या राशीच्या चौथ्या भावात आहे. अनैतिक गोष्टींपासून दूर राहा. कुटुंबासोबत वेळ चांगला जाईल आणि जोडीदाराची साथ मिळेल. करिअरची सुरुवात करणाऱ्यांना नवीन संधी मिळतील, पण नोकरी करणाऱ्यांना पदोन्नतीसाठी थोडी वाट पाहावी लागेल. मानसिक स्थितीवर लक्ष देणे गरजेचे आहे.

मिथुन - तुमच्या राशीच्या तिसऱ्या भावात हे ग्रहण होत आहे. आर्थिक आणि व्यावसायिक दृष्टीने हा काळ फारसा चांगला नाही. डोळ्यांच्या तक्रारी किंवा इन्फेक्शन होऊ शकते, त्यामुळे काळजी घ्या. मनात बेचैनी वाढू शकते. पालकांच्या प्रकृतीची काळजी घ्या आणि खर्चावर ताबा ठेवा.

कर्क - दुसऱ्या स्थानी होणाऱ्या या ग्रहणामुळे शारीरिक आणि मानसिक त्रास होऊ शकतो. बदलत्या हवामानामुळे आरोग्याच्या तक्रारी उद्भवतील. कामाच्या ठिकाणी वारंवार बदल होऊ शकतात. ऑफिसमधील राजकारणापासून सावध राहा, कोणीतरी तुमची प्रतिमा खराब करण्याचा प्रयत्न करू शकते.

सिंह - ग्रहण तुमच्याच राशीत म्हणजे पहिल्या स्थानी लागत आहे. यामुळे तुमचे मन अस्वस्थ राहील आणि स्वभावात चंचलता येईल. लोकांबद्दल संशय निर्माण होऊ शकतो. मात्र, आर्थिक बाजू मजबूत होईल आणि उत्पन्नाचे नवीन मार्ग सापडतील. नवीन व्यवसायाचे नियोजन करण्यासाठी हा काळ शुभ आहे.

कन्या - बाराव्या भावात होणाऱ्या या ग्रहणामुळे तुम्ही अधिक स्वतंत्र आणि चाणाक्ष बनाल. नवीन व्यवसाय सुरू करण्यासाठी ही वेळ चांगली आहे. तुम्ही समस्यांवर कल्पक तोडगे काढू शकाल. समाजासाठी काहीतरी मोठे करण्याची इच्छा तुमच्या मनात निर्माण होईल.

तूळ - तुमच्या राशीच्या अकराव्या भावात ग्रहण होत आहे. आर्थिक स्थिती सुधारेल आणि आरोग्यही चांगले राहील. रखडलेला व्यवसाय पुन्हा गती घेईल. कुटुंबात सुख-शांती नांदेल. मालमत्ता खरेदीचे योग असून तूळ राशीसाठी हे ग्रहण खूप आनंददायी ठरेल.

वृश्चिक - दहाव्या भावात होणाऱ्या ग्रहणामुळे तुमची बुद्धिमत्ता वाढेल. कधीकधी तुम्हाला कोणी समजून घेत नाहीये असे वाटेल, पण आत्मविश्वास डळमळीत होऊ देऊ नका. कौटुंबिक जीवनात काही अडथळे येऊ शकतात. मात्र, अध्यात्माकडे ओढा वाढेल आणि जीवनाचा खरा उद्देश शोधण्याचा तुम्ही प्रयत्न कराल.

धनु -नवव्या भावात होणारे हे ग्रहण तुम्हाला धाडसी बनवेल. वादांपासून लांब राहा आणि स्वतःच्या कामावर लक्ष द्या. सरकारी नोकरीची तयारी करणाऱ्यांसाठी हा काळ चांगला आहे. जे नोकरीच्या शोधात आहेत, त्यांना एखादी गोड बातमी मिळू शकते. मनात मात्र थोडी चिंता राहू शकते.

मकर - आठव्या भावात होणाऱ्या ग्रहणामुळे काही बाबतीत दिलासा तर काही बाबतीत अडचणी येतील. सरकारी कामे मार्गी लागतील, पण गुंतवणूक करताना तज्ज्ञांचा सल्ला नक्की घ्या. धाडसाची कमतरता भासल्याने महत्त्वाच्या निर्णयांवर संशय वाटू शकतो. भावंडांशी संबंध बिघडणार नाहीत याची काळजी घ्या.

कुंभ - सातव्या भावात होणाऱ्या ग्रहणामुळे तुमचे बोलणे आकर्षक होईल. तुम्ही संपत्तीचे प्रदर्शन करणे पसंत कराल. मात्र, स्वभावात चालाकी वाढू शकते, ज्यामुळे इतरांना भ्रमित करण्याचा प्रयत्न कराल. कोणालाही पैसे उधार देऊ नका, कारण ते परत मिळण्याची शक्यता कमी आहे. वादांपासून लांब राहणेच हिताचे ठरेल.

मीन - सहाव्या भावात होणाऱ्या ग्रहणामुळे निर्णय घेण्यात गोंधळ उडू शकतो. तुमची प्रतिमा संशयास्पद वाटण्याची शक्यता आहे. परिस्थितीनुसार तुम्ही व्यवहार बदलाल, पण नकारात्मक विचारांना मनात थारा देऊ नका. कामाच्या ठिकाणी पारदर्शकता ठेवणे तुमच्यासाठी फायद्याचे ठरेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)