उद्या हनुमान जयंती! बजरंगबलीचे फेव्हरेट असतात 'या' राशींचे लोक, नेहमीच असते विशेष कृपा; सर्व संकटातून करतात सुटका

ज्योतिषशास्त्रानुसार, ग्रहांच्या स्थितीचा आणि आराध्य देवतेच्या कृपेचा आपल्या व्यक्तिमत्वावर खोलवर परिणाम होतो. हिंदू धर्मात 'संकटमोचन' हनुमान हे कलियुगातील जागृत दैवत मानले जातात. असे म्हटले जाते की, हनुमंत आपल्या भक्तांच्या हाकेला त्वरित धावून येतात.

मेष - अफाट ऊर्जा आणि साहस: मेष राशीचा स्वामी 'मंगळ' आहे, जो हनुमानाचा अत्यंत प्रिय ग्रह मानला जातो. या राशीच्या व्यक्तींवर हनुमानाची विशेष मेहरनजर असते. त्यांच्यामध्ये कमालीचे धाडस आणि ऊर्जा असते. कठीण प्रसंगी डगमगून न जाता संकटाचा सामना करण्याची शक्ती त्यांना हनुमंताच्या कृपेने मिळते, ज्यामुळे ते नेतृत्वाच्या शिखरावर पोहोचतात.

सिंह - नेतृत्वगुण आणि तेज: सिंह राशीचा स्वामी 'सूर्य' आहे, ज्यांना हनुमानजींनी आपले गुरु मानले होते. सूर्य आणि हनुमानाचा हा संबंध सिंह राशीच्या लोकांसाठी लाभदायक ठरतो. या राशीच्या व्यक्तींमध्ये सिंहासारखे तेज आणि आत्मविश्वास असतो. हनुमानाची कृपा असल्यामुळे हे लोक कोणत्याही क्षेत्रात गेले तरी तिथे आपले वर्चस्व निर्माण करतात आणि लोकांचे लक्ष वेधून घेतात.

वृश्चिक - इच्छाशक्ती आणि गूढ शक्ती: वृश्चिक राशीचा स्वामी देखील 'मंगळ' आहे. या राशीच्या लोकांची इच्छाशक्ती अत्यंत प्रबळ असते. हनुमानाच्या कृपेमुळे या राशीच्या व्यक्तींना भविष्यातील संकटांची चाहूल लवकर लागते. ते अत्यंत शिस्तप्रिय असतात आणि एकदा ठरवलेली गोष्ट पूर्ण केल्याशिवाय शांत बसत नाहीत. त्यांची हीच जिद्द त्यांना इतरांपेक्षा वेगळे ठरवते.

कुंभ - बुद्धिमत्ता आणि मानवता: कुंभ राशीचा स्वामी 'शनी' आहे. शनी आणि हनुमानाचे नाते सर्वश्रुत आहे. ज्यांच्यावर शनीचा कोप असतो, त्यांना हनुमान वाचवतात. कुंभ राशीच्या लोकांवर हनुमानाची छत्रछाया असल्यामुळे त्यांना मानसिक शांतता आणि बुद्धिमत्ता लाभते. हे लोक स्वभावाने अत्यंत परोपकारी असतात आणि समाजासाठी काहीतरी नवीन करण्याची ओढ त्यांना वेगळी ओळख मिळवून देते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)