Numerology: मनात असतं, पण दाखवत अजिबात नाहीत! या तीन जन्मतारखा असणाऱ्यांचा अंदाज लावणं कठीण

काही लोकांचा स्वभाव फारच गूढ असतो, त्यांच्या मनात काय चाललंय याचा अंदाज करणं अवघड असतं. काही मुलींचे मन ओळखणे तर कधी-कधी खूप कठीण असतं, त्यांच्या मनातील गोष्टी जाणून घेणं तितकं सोपं काम नसतंय. तुमच्या संपर्कात असं कोणी असल्यास त्याची-तिची जन्मतारीख माहिती करून घ्या, त्यावरून मनात आणि तोंडात काय आहे, हे ओळखता येऊ शकतं.

आज आपण मूलांक 7 विषयी जाणून घेणार आहोत. कोणत्याही महिन्याच्या 7, 16 किंवा 25 तारखेला जन्मलेल्यांचा मूलांक 7 असतो. या मूलांकाच्या मुली मनातलं न कळू देणाऱ्या असतात. त्या काय विचार करत आहेत, हे समोरच्या बिलकूल कळू शकणार नाही. या मूलांकावर केतू ग्रहाचा प्रभाव असतो, तो रहस्य, आध्यात्मिक ऊर्जा, अंतर्ज्ञान आणि गूढ विचार यांचे प्रतीक आहे.

बुद्धिमान आणि धाडसी -मूलांक 7 असलेले लोक विशेषत: मुली गूढ स्वभावाच्या आणि बुद्धिमानी असतात, धाडसी असतात. सर्वात कठीण कामही त्या सहज करू शकतात. इतरांच्या तुलनेत या मुली प्रत्येक काम वेगळ्या दृष्टिकोनातून करतात आणि आव्हानात्मक परिस्थितीतही शांत राहणं त्यांना जमतं.

मनातलं काही सांगत नाही -या तारखांना जन्मलेल्या मुली मनाचा अंदाज लागू देत नाहीत. मनातलं व्यक्त करत नाहीत. त्या स्वतःमध्ये अनेक रहस्ये जपून ठेवतात, ज्यामुळे त्यांना समजणे थोडे कठीण होते.

कठोर परिश्रमातून यश -मूलांक 7 असलेल्या मुली त्यांच्या करिअरबद्दल अत्यंत गंभीर असतात. कठोर परिश्रम, समर्पण आणि परिपूर्णता ही त्यांच्या कामाची वैशिष्ट्ये आहेत. त्या त्यांच्या क्षमतेद्वारे कुटुंब आणि समाजात प्रसिद्धी आणि आदर मिळवतात.

कमी मित्र असतात, पण अत्यंत निष्ठावान -या मुली लगेच सर्वांशी मिसळत नाहीत, परंतु जेव्हा चांगल्या मित्र बनतात तेव्हा पूर्ण प्रामाणिकपणे नातं सांभाळतात. त्या नातेसंबंधांमध्ये अत्यंत निष्ठावान असतात आणि त्यांच्या प्रियजनांसाठी कोणत्याही थराला जाण्यास तयार असतात. अंकशास्त्रानुसार, मूलांक 7 मुली मनाने अत्यंत संवेदनशील असतात. गरजूंना मदत करण्यास नेहमीच तयार असतात.