गणपती बाप्पा घरी येताच या राशींचे श्रीमंतीचे दरवाजे खुले होणार, 10 दिवस हातात फक्त पैसाच पैसा येणार

भाद्रपद महिन्याच्या शुक्ल पक्षातील चतुर्थी म्हणजेच गणेश चतुर्थी हा भक्तांसाठी आनंद, श्रद्धा आणि उत्साहाचा पर्व मानला जातो. घराघरांत बाप्पा विराजमान झाल्यावर भक्तांच्या मनोकामना पूर्ण होतात आणि घरात सुख, शांती व समृद्धी नांदते, अशी श्रद्धा आहे. यंदा गणेशोत्सवाचे आगमन 27 ऑगस्ट 2025 रोजी होत असून, या वेळी काही दुर्मीळ ग्रहयोग जुळून आल्याने हा उत्सव अधिकच विशेष ठरणार आहे.

या वर्षीचे ग्रहयोग ज्योतिषशास्त्रानुसार, गणेश चतुर्थीपासून अनंत चतुर्दशीपर्यंत अनेक शुभ आणि प्रभावी योग तयार होणार आहेत. 27 ऑगस्ट रोजी बाप्पांच्या आगमनाच्या दिवशी रवि योग आणि सर्वार्थ सिद्धी योग एकत्र येणार आहेत, ज्यामुळे शुभ कार्यांना उत्तम प्रारंभ मिळेल. त्याच दिवशी सूर्य-केतूची युती काही राशींना अनपेक्षित लाभ देईल. चंद्र-मंगळाची युती लक्ष्मी योग निर्माण करेल, ज्याला धनवृद्धी आणि समृद्धीचा द्योतक मानले जाते. या दहा दिवसांत होणारे ग्रहसंयोग काही राशींसाठी जीवनात मोठे बदल घडवणारे ठरू शकतात.

<strong>तूळ- </strong>  या राशीच्या लोकांसाठी गणेशोत्सव भाग्याचा दरवाजा उघडणारा ठरेल. करिअरमध्ये प्रगतीची मोठी संधी मिळेल. व्यावसायिक उपक्रम यशस्वी ठरतील आणि आर्थिक संकटांवर मात होईल. विवाहयोग प्रबळ असून कौटुंबिक जीवनातही आनंदी प्रसंगांची भर पडेल. बाप्पांच्या कृपेने दीर्घकाळ प्रलंबित कामे मार्गी लागतील.

<strong>कुंभ - </strong>  कुंभ राशीच्या व्यक्तींना हा उत्सव आयुष्यातील अडथळे दूर करून नवी दिशा दाखवणारा ठरू शकतो. मोठ्या प्रमाणावर धनलाभ होण्याची शक्यता आहे. नोकरीत नवीन संधी, आर्थिक स्थैर्य आणि वडिलांशी नातेसंबंध अधिक दृढ होण्याचे संकेत आहेत. मुलांकडून आनंदाची बातमी मिळू शकते. व्यवसायात प्रगती होऊन घराचे नूतनीकरण किंवा नवीन घराचे स्वप्न पूर्ण होऊ शकते.

27 ऑगस्टपासून सुरू होणारा हा दहा दिवसांचा उत्सव केवळ भक्तिभावाचा नव्हे तर ज्योतिषशास्त्रीय दृष्टिकोनातूनही अत्यंत शुभ मानला जात आहे. विशेष ग्रहसंयोग आणि योगांमुळे तूळ आणि कुंभ या राशींना विशेष लाभ होणार असून, त्यांच्या आयुष्यात मोठा सकारात्मक टर्निंग पॉइंट घडू शकतो.