weekly Horoscope: नवीन संधी चालून येतील, बोलण्यावर नियंत्रण ठेवा; पहा साप्ताहिक राशीभविष्य

मेष - राशी स्वामी मंगळ अष्टम स्थानात असून आर्थिक प्राप्ती, प्रवास यासाठी उच्च फळ देईल. घरात शुभ कार्यक्रम होतील. तुमच्या सामाजिक, व्यावसायिक जीवनात अनेक नवीन संधी चालून येतील. बोलण्यावर नियंत्रण ठेवा. व्यय राहू नकारात्मक भूमिका घेईल. एकच विचार कराल, डोक्याचे विकार त्रास देतील. चंद्र भ्रमण परदेशसंबंधी संधी देईल. कुंभेचा शनी लाभदायक आहे. मित्र साथ देतील. कार्य करीत रहा आणि उत्तम फळ प्राप्त करा. अष्टम स्थानात येणारा बुध व्यावसायिक जीवनात लाभ देईल. स्त्री अधिकारी व्यक्ती मदत करतील. या काळात हनुमान उपासना करा. सप्ताह उत्तम.

वृषभ - राशी स्वामी शुक्र कन्या राशीत असून घरात लाभ होतील. मित्र व बंधूकडून सहयोग मिळेल. मातृ-पितृ सुख मिळेल. मंगळ कार्य क्षेत्रात नवीन संधी देईल. नेहमीप्रमाणे घर आणि व्यवसाय यात धावपळ होणार आहे. तरी प्रकृती जपून असावे. व्यय स्थानातील गुरू प्रवासाचे योग आणतील. कायदा पाळा. सप्तम स्थानातील ग्रह कार्यक्षेत्रात आणि प्रकृती जपून रहा, असे संकेत देत आहे. सप्ताह शुभ फळ देईल.

मिथुन - राशी स्वामी बुध षष्ठस्थानी असून पैसा आणि मान देईल. आयुष्य मौजमजा सहल यात आनंदात जाईल. शनिची साथ नवीन संधी आणि परदेश गमन यासाठी उत्तम राहील. राशीचे अष्टम स्थानात येणारा चंद्र मानसिक, शारीरिक ताण  निर्माण करेल. गुरू महाराज कर्म स्थान आणि सुख स्थानावर शुभ दृष्टी ठेवून आहेत. नवीन वास्तू किंवा वाहन यासाठी प्रयत्न करा. मंगळ तामसी वृत्ती करेल. सध्या प्रकृतीच्या तक्रारीकडे लक्ष असू द्या. वाहन जपून चालवा. सर्व दृष्ट्या सप्ताह चांगला जाईल.

कर्क - राशी स्वामी चंद्र पूर्वार्धात प्रतिकूल असणार आहे. कष्टदायक आहे. पंचम मंगळ मानसिक आणि सामाजिक पाठबळ देईल. नातेवाईक भेट होईल. शनि महाराज अष्टमात मार्गी आहेत. जपून रहा. कोणालाही कर्ज देणे, घेणे टाळा. प्रवास जपून करा. अतिरेकी धाडस नको. पैशाचा अपव्यय टाळा. सध्या गुरू बळ उत्तम आहे. त्यामुळे सप्ताह उत्तम पार पडेल. शनीची उपासना सुरू ठेवा. रवि बुध पंचम आहे, प्रकृती आणि मानसिक स्वास्थ्य देईल. सप्ताह मध्यम.

सिंह - राशी स्वामी रवि वृश्चिक राशीत असून उच्च अधिकारी वर्गाशी संपर्क आणेल. वैवाहिक जीवनात धोक्यापासून सावध राहा. काही उष्णतेचे विकार त्रास देतील. गुरूबळ आहे तरीही सावध राहून कार्य करा. लवकरच दिवस बदलणार आहेत. मंगळ, शुक्र व्यावसायिक स्पर्धा निर्माण करील. मात्र काही संधी मिळतील. काळजीपूर्वक पुढे जा. गृह वाहन याबाबत लाभ संभवतों. चंद्र कार्यक्षेत्रात, वैवाहिक जीवनात फळ देणार आहे. सप्ताह मध्यम.

कन्या - राशी स्वामी बुध ग्रह तृतीय स्थानात आहे. व्यवसाय नोकरीच्यादृष्टीने उत्तम काळ. तृतीय मंगळ राशीतील शुक्र घरात अनेक खर्च, सुधारणा, नवीन वस्तूंची खरेदी होईल. सप्तम स्थानातील चंद्र वैवाहिक सुख देईल. व्यवसायात समस्या कमी करेल. ग्रह शत्रूंपासून सावध राहा, असा इशारा देत आहेत. काही जुनी दुखणी डोकं वर काढतील. वेळीच उपचार करा. सप्तम राहू अनेक चिंता निर्माण करेल. काळजी घ्या. सप्ताहाचा पूर्वार्ध मध्यम आहे. आर्थिक आणि शारीरिकदृष्टया सप्ताह मध्यम.

तूळ - राशी स्वामी शुक्र व्ययस्थानात असून सामाजिक आणि संतती संबंधी फळ देईल. मंगळ उच्च पदाचे योग आणेल. सप्तम गुरू वैवाहिक जीवनात आनंद निर्माण करेल. राहू जपून राहण्याचे संकेत देत आहे. काहीसे नकारात्मक वातावरण राहील. उत्तरार्धात मात्र बदल होईल. पंचम स्थानातील चंद्र मन आणि आरोग्य दोन्ही मध्यम ठेवेल. सरकारी कामकाजात यश देईल. एकूण सप्ताह मिश्र फळ देईल.

वृश्चिक - राशी स्वामी मंगळाचे स्वस्थानात भ्रमण व्यावसायिक जीवनात स्थिरता दाखवत आहे. गैरसमज, कलह टाळा. कौटुंबिक जीवनात देखील घडामोडी होतील. पूर्वार्धात चंद्र मातृ-पितृ चिंता निर्माण करेल. घरामध्ये मोठ्या घटना घडवून आणेल. आई-वडिलांची काळजी घ्या. मानसिक ताण जाणवेल. शनी उपासना करावी. शत्रूपासून जपा. कायदा मिळू नका. सप्ताह मध्यम जाईल.

धनू - राशी स्वामी गुरू पंचम स्थानात आहे. संतती सौख्य आणि उच्च शिक्षण यासाठी उत्तम फळ देईल. मातृ सुख देईल. कार्यालयीन कामकाज करण्यात यश देईल. अचानक येणाऱ्या नवीन संधी जाऊ देऊ नका. व्ययातील मंगळ स्वभाव तापट करेल. धार्मिक अधिष्ठान प्राप्त होईल. सप्ताहाचा पूर्वार्ध जपून रहा. परदेश प्रवासाचे योग येऊ शकतात. भावंडांशी वागताना काळजी घ्या. वैवाहिक जीवन ठीक राहील. शिव उपासना करा. सप्ताह मध्यम.

मकर - राशी स्वामी शनि धन स्थानात वक्री असून आर्थिक, कौटुंबिक घडामोडी होतील. चतुर्थ स्थानात गुरू भरभराट घडवेल. गृह लाभ होईल. भावंडांच्या उत्कर्षासाठी अनुकूल काळ आहे. तसेच परदेश प्रवास घडतील. राहू मातृ सुखात सुधार आणेल. स्थान बदल घडेल. कार्य क्षेत्रात जर काही बदल करायचे असतील तर हा अनुकूल काळ आहे. संतती चिंता वाटत असेल तर तिकडे लक्ष असू द्या, आरोग्य जपा. वैवाहिकदृष्ट्या सप्ताह कठीण आहे.

कुंभ - राशी स्वामी शनि स्वगृही मार्गी असून अचानक प्रवास, समारंभात सहभाग, उत्तम खरेदी, असे लाभ देईल. साडेसाती असली तरी धनकारक गुरू आर्थिक आणि कौटुंबिक बाबीत लाभ देईल. प्रेरणादायी विचार येतील. बोलण्याने लोकांना जिंकून घ्याल. पैतृक संपत्ती मिळेल. शुक्र जोडीदाराची नवीन खरेदी, सजावट किंवा नवीन प्रॉपर्टीचे योग येतील. मंगळ जपून राहण्याचे संकेत देत आहे. सप्ताह मध्यम जाईल.

मीन - राशी स्वामी गुरू धनस्थनात असून मान सन्मान, प्रगती आणि संपत्ती यात वाढ करेल. कुटुंबात वाढ, वैवाहिक जीवनाची सुरुवात तसेच संतती प्राप्ती करता उत्तम काळ आहे. साडेसाती असली तरी घाबरु नका. परदेश गमनाची संधी येईल. व्यय शनि आणि द्वितीय राहू घरापासून दूर जाण्याचे योग आणतील. गृहसौख्य आणि भावंडाना लाभ संभवतात. सप्ताहाच्या पूर्वार्धात संततीची काळजी घ्या. चंद्र-शनि विष योग आहे. आरोग्य जपा. सप्ताह मध्यम.शुभम भवतू!!