राहूमुळे मूलांक 4 असणाऱ्या व्यक्तींना नव्या वर्षात सोसावे लागणार हाल, सुखशांतीसाठी काय करावे उपाय?

अंकशास्त्रानुसार, ज्या लोकांचा जन्म कोणत्याही महिन्याच्या 4, 13, 22 किंवा 31 तारखेला झाला आहे, त्यांचा मूलांक 4 असतो. मूलांक 4 चा स्वामी ग्रह राहू आहे, जो अचानक बदल, रहस्य आणि लॉजिकचे प्रतीक मानला जातो.

2026 या वर्षाचा एकूण मूलांक 1 आहे, ज्याचा स्वामी ग्रह सूर्य आहे. राहू आणि सूर्य यांचे संबंध अस्थिर मानले जातात, परंतु सूर्य राहूला शिस्त देतो. त्यामुळे मूलांक 4 असलेल्यांसाठी 2026 हे वर्ष संघर्षानंतर यश आणि मोठे बदल घेऊन येणारे ठरू शकते. या वर्षात तुम्हाला कठोर परिश्रम करावे लागतील आणि कोणतीही घाईगडबड टाळावी लागेल.

करिअर आणि कार्यक्षेत्र : करिअरच्या दृष्टीने हे वर्ष संमिश्र असेल. तुमच्या कामात काही अचानक बदल किंवा अडथळे येऊ शकतात. तुमच्या कल्पना चांगल्या असल्या तरी त्या प्रभावीपणे मांडण्यात सुरुवातीला अडचण येईल. वर्षाच्या शेवटी सूर्यदेवाच्या कृपेने मेहनत फळास येईल आणि कामात स्थिरता येईल.

आर्थिक स्थिती : या वर्षात आर्थिक बाबतीत काळजी घेणे आवश्यक आहे. तुम्हाला अनावश्यक खर्चावर नियंत्रण ठेवणे गरजेचे आहे. गुंतवणुकीसाठी तज्ञांचा सल्ला घ्या अन्यथा नुकसान होऊ शकते. या वर्षी जुन्या कर्जातून मुक्ती मिळण्याची शक्यता आहे. मोठी आर्थिक जोखीम घेणे टाळा.

प्रेम आणि नातेसंबंध : नातेसंबंधात गैरसमज निर्माण होण्याची शक्यता आहे. तुमच्या बोलण्यावर नियंत्रण ठेवा आणि पार्टनरवर संशय घेणे टाळा. अविवाहितांच्या आयुष्यात नवीन व्यक्ती येईल, पण कोणताही निर्णय घाईत घेऊ नका. विवाहित जोडप्यांनी शांत राहून समजूतदारपणा दाखवावा ज्यामुळे तुमचे संबंध अधिक घट्ट होतील.

आरोग्य : आरोग्याच्या बाबतीत हे वर्ष काळजी घेण्यासारखे आहे. मानसिक ताण आणि चिंता वाढू शकते, ज्यामुळे निद्रानाशाचा त्रास होऊ शकतो. डोळ्यांशी आणि पचनाशी संबंधित समस्यांकडे दुर्लक्ष करू नका. रोज योग आणि ध्यान करणे आवश्यक आहे.

उपाय: शुभ परिणाम मिळवण्यासाठी रोज सकाळी उगवत्या सूर्याला जल अर्पण करा. गरजूंना गरम कपडे आणि अन्न दान करा. यामुळे राहूचा अशुभ प्रभाव कमी होऊन कामात यश मिळेल.