सावधान! मूलांक 7 असणाऱ्या लोकांवर 2026 मध्ये संकटांचं सावट, पण 'ही' गोष्ट घडवणार आयुष्यात चमत्कार

अंकशास्त्रानुसार, ज्या लोकांचा जन्म कोणत्याही महिन्याच्या 7, 16, किंवा 25 तारखेला झाला आहे, त्यांचा मूलांक 7 असतो. मूलांक 7 चा स्वामी ग्रह केतू आहे, जो गूढता, इंट्युशन, अध्यात्म आणि विचारांचे प्रतीक मानला जातो.

2026 या वर्षाचा एकूण मूलांक 1 आहे, ज्याचा स्वामी ग्रह सूर्य आहे. केतू आणि सूर्य हे विरोधी ग्रह मानले जातात. त्यामुळे मूलांक 7 असलेल्यांसाठी 2026 हे वर्ष आत्मविश्वास आणि आत्म-शोध यांचा काळ असेल. या वर्षात तुम्हाला तुमच्या इंट्युशन्सवर विश्वास ठेवून कठोर परिश्रमाने पुढे जावे लागेल.

करिअर आणि कार्यक्षेत्र: करिअरच्या दृष्टीने 2026 हे वर्ष सुरुवातीला थोडे संघर्षपूर्ण असेल. तुमच्या कामात काही अडथळे किंवा अनपेक्षित बदल येऊ शकतात. मात्र, तुमच्या इंट्युशनच्या जोरावर तुम्ही योग्य निर्णय घेऊ शकाल. संशोधन, गुप्तचर विभाग किंवा अध्यापनाच्या कामात असलेल्यांना यश मिळण्याची शक्यता आहे. वर्षाच्या शेवटी सूर्यदेवाची कृपा मिळेल आणि कामात स्थिरता येईल.

आर्थिक स्थिती: आर्थिक बाबतीत सावधगिरी बाळगणे आवश्यक आहे. जास्त धोका असलेली गुंतवणूक टाळा. या काळात अनावश्यक आणि अचानक खर्च वाढण्याची शक्यता आहे त्यामुळे आर्थिक व्यवहारात पूर्ण पारदर्शकता ठेवा. या वर्षाच्या शेवटी अचानक धनलाभ होण्याची शक्यता आहे.

प्रेम आणि नातेसंबंध: नातेसंबंधांच्या आघाडीवर भावनिक गोंधळ जाणवू शकतो. तुम्ही तुमच्या भावना व्यक्त करताना अधिक स्पष्टता ठेवा. अविवाहित लोकांसाठी नवीन नातेसंबंध सुरू होण्याची शक्यता आहे, पण जोडीदाराला समजून घेण्यासाठी वेळ द्या. विवाहित जीवनात आध्यात्मिक विषयांवरून जवळीक वाढेल.

आरोग्य: आरोग्याच्या दृष्टीने हे वर्ष मध्यम राहील. तुम्हाला मानसिक ताण आणि चिंता जाणवू शकते. अपचन किंवा पोटाशी संबंधित समस्यांकडे दुर्लक्ष करू नका. ध्यान आणि शांतता तुमच्यासाठी खूप महत्त्वाची आहे.

उपाय: शुभ परिणाम मिळवण्यासाठी रोज सकाळी सूर्यदेवाला जल अर्पण करा. तसेच, गरिबांना शक्य असल्यास गूळ किंवा पिवळी फळे दान करा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)