HSRP number plate: तुमच्याकडे फक्त 24 तास! ही शेवटची संधी घालवली तर 10 हजार भरायला तयार राहा

अजित मांढरे, प्रतिनिधी मुंबई: हाय सिक्युरिटी नंबर प्लेटबाबत महत्त्वाची बातमी आहे. ज्यांनी अजूनही हाय सिक्युरिटी नंबर प्लेट बसवली नाही किंवा रजिस्ट्रेशन केलं नाही त्यांच्यासाठी महत्त्वाची बातमी आहे. अजूनही लाखो वाहानांना बुकिंग करणं बाकी आहे. त्यांनी आता जर रजिस्टर केलं नाही तर धोक्याची घंटा आहे. त्यांना दंड भरावा लागणार आहे.

आतापर्यंत तीनवेळा मुदतवाढ दिल्यानंतर ३० नोव्हेंबर 2025 ही हाय सिक्युरिटी नंबर प्लेटसाठी शेवटची तारीख देण्यात आली आहे. बुकिंग केलेल्यापैकी ५६ हजार वाहनधारकांना‎प्लेट बसवण्याचे काम सुरू आहे. एप्रिल 2019 पूर्वी जी वाहानं आहेत त्यांना ही नंबरप्लेट बसवून घ्यावी लागणार आहे.

ज्यांनी रजिस्ट्रेशन केलं आहे मात्र अजूनही नंबरप्लेट बसवलेली नाही त्यांना 1000 रुपये दंड भरावा लागणार आहे. तर ज्यांनी अजून नंबरप्लेटसाठी अर्जही केला नाही त्यांना 10 हजार रुपये दंड भरावा लागणार आहे. त्यामुळे तुम्ही रजिस्ट्रेशन केलं नसेल तर आताच तातडीनं करा आणि 9000 रुपये तरी वाचवा. नाहीतर मोठं नुकसान होऊ शकतं.

याआधी सरकारने तीन वेळा मुदतवाढ दिली आहे. याआधी ३०‎ एप्रिल‎ २०२५‎, दुसऱ्यांदा १५‎ ऑगस्ट‎ २०२५‎, तिसऱ्यांदा ३०‎ नोव्हेंबर‎ २०२५‎ आणि आता चौथ्यांदा पुन्हा मुदतवाढ मिळण्याची शक्यता आहे. 31 डिसेंबरपर्यंत ही मुदतवाढ देण्याची शक्यता आहे. मात्र याबाबत अद्याप अधिकृत नोटिफिकेशन सरकारकडून देण्यात आलं नाही. मात्र ही मुदतवाढ होऊ शकते.

या सर्व वाहनांवर ‎कारवाई करणे शक्य नाही.‎ त्यामुळे नागरिकांच्या रोषाला‎ सामोरे जावे लागू शकते. त्यामुळे ‎नव्या नंबर प्लेट लावण्यासाठी ‎सरकार पुन्हा एकदा मुदतवाढ देऊ‎ शकते. वाहनधारकांचा अल्प ‎‎प्रतिसाद असल्याने ३ वेळा मुदतवाढ दिली आहे.‎ आताही लाखो वाहनांनी अजूनही रजिस्ट्रेशन न केल्याने मुदतवाढ होऊ शकते.

एचएसआरपी नंबर प्लेट हा एक उच्च सुरक्षा असलेला ॲल्युमिनियमची नंबर प्लेट आहे. यामुळे वाहनांची चोरी, छेडछाड आणि त्याचा गैरवापर टाळण्यासाठी सरकारने हा नंबर प्लेट अनिवार्य केला आहे.नंबर प्लेटवर अशोक चक्राचे होलोग्राम, लेसर इन्कोडेड 9 अंकी युनिक आयडी नंबर व नॉन रिमुव्हवेबल स्नॅप लॉक आहे जे लवकर निघत नाही.