HSRP साठी शेवटची संधी! महाराष्ट्रातील कोट्यवधी गाड्यांवर अजूनही प्लेट नाही, RTO ने दिली 'ही' नवी तारीख

महाराष्ट्रातील वाहन मालकांसाठी एक दिलासा देणारी बातमी आहे. ज्यांनी अद्याप आपल्या वाहनांवर हाय-सिक्युरिटी नंबर प्लेट (HSRP) बसवलेल्या नाहीत, त्यांच्यासाठी परिवहन विभागाने (Transport Department) पुन्हा एकदा अंतिम मुदत वाढवून दिली आहे. ही डेडलाइन आता 31 डिसेंबरपर्यंत वाढवण्यात आली आहे. विभागाने मुदत वाढवण्याची ही पाचवी वेळ आहे.

परंतु, या मुदतवाढीनंतरही अनेक प्रश्न उभे राहिले आहेत. एकट्या पुणे शहरातच 15 लाखांहून अधिक वाहनांवर HSRP बसवणे बाकी आहे. त्यामुळे, केवळ एका महिन्यात एवढ्या मोठ्या संख्येने नंबर प्लेट्स बसवता येतील का, हा मोठा प्रश्न आहे.

1 एप्रिल 2019 पूर्वीच्या गाड्यांसाठी HSRP का आहे आवश्यक?उच्च न्यायालयाच्या आदेशानुसार, 1 एप्रिल 2019 पूर्वी नोंदणी झालेल्या सर्व जुन्या वाहनांवर हाय-सिक्युरिटी नंबर प्लेट (HSRP) बसवणे बंधनकारक आहे. या नंबर प्लेटमुळे अपघात (Accident) किंवा गुन्हेगारीत (Crime) सामील असलेल्या वाहनांना सहज ओळखता येते. यामुळे सर्व वाहने सुरक्षित राहतील आणि गुन्हेगारीवर नियंत्रण ठेवण्यास मदत होईल, असे मानले जाते.

HSRP मध्ये असलेले खास सिक्युरिटी फीचर्स आणि होलोग्राममुळे नंबर प्लेटची डुप्लिकेट कॉपी बनवणे जवळजवळ अशक्य होते. या योजनेची अंमलबजावणी होऊनही नागरिकांनी त्याकडे दुर्लक्ष केल्याचे दिसून येते.

आतापर्यंत सुमारे साडेसात लाख वाहन मालकांनी HSRP बसवली आहे, तर सुमारे साडेदहा लाख मालकांनी नोंदणी केली आहे. पुण्यात 25 लाखांहून अधिक वाहनांना HSRP आवश्यक आहे. याचा अर्थ एकट्या पुणे शहरात सुमारे 15 लाख वाहनांना अजून नंबर प्लेट बसवायची आहे.

महाराष्ट्राबद्दल विचार केला तर संपूर्ण महाराष्ट्रात 1 एप्रिल 2019 पूर्वी नोंदणी झालेल्या 2.10 कोटी जुन्या वाहनांना HSRP आवश्यक आहे. यापैकी 90 लाख वाहनांनी HSRP साठी नोंदणी केली आहे. आतापर्यंत केवळ 73 लाख वाहनांवर HSRP बसवण्यात आल्या आहेत. परिणामी, अजूनही सुमारे 65 टक्के वाहनांवर HSRP बसवलेली नाही.

31 डिसेंबरनंतर काय? दंड (Penalty) लागणारपरिवहन विभागाने अनेकवेळा मुदतवाढ देऊनही नागरिकांनी याकडे लक्ष दिले नाही. आता, ज्या वाहनांवर HSRP नाही, त्यांची कोणतीही कामे आरटीओमध्ये (RTO) होत नाहीत. वाहन मालकांना त्वरित HSRP बसवण्याचे आवाहन करण्यात आले आहे, कारण 31 डिसेंबरनंतर HSRP नसलेल्या वाहनांवर मोठा दंड आकारला जाईल.

मुदतवाढीची मागणी का झाली?राज्यातील वाहन मालक आणि प्रतिनिधी फेडरेशनचे अध्यक्ष बाबा शिंदे यांनी मुदत वाढवण्याची मागणी केली होती. कारण एखादी नंबर प्लेट तुटल्यास किंवा खराब झाल्यास चालकाला दोन्ही नंबर प्लेट्स नव्याने विकत घ्यावी लागते. मोठ्या संख्येने वाहनांना नंबर प्लेट बसवण्यासाठी पुरेसा वेळ मिळत नव्हता. यापूर्वी ही अंतिम मुदत 30 एप्रिल, 30 जून, 15 ऑगस्ट आणि 30 नोव्हेंबरपर्यंत वाढवण्यात आली होती, आणि आता ती पुन्हा 31 डिसेंबर करण्यात आली आहे.