Tata ची आणखी एक टँकसारखी SUV, पहिल्यांदाच 2 गाड्यांची समोरासमोर केली धडक, Sierra ला मिळाले 5 स्टार रेटिंग

९० च्या दशकामध्ये मार्केटवर राज्य करणारी टाटा मोटर्स बहुप्रतिक्षित टाटा सियारा एसयूव्ही अखेर नवी रुपात आणि नवीन रंगात लाँच झाली आहे. मागील अनेक दिवसांपासून नवीन टाटा सियारा कशी आणि किंमत किती असणार, याबद्दल चांगलीच चर्चा रंगली होती. अखेरीस ठरल्याप्रमाणे मोठ्या दिमाखात टाटा सियारा लाँच झाली आहे. विशेष म्हणजे, टाटा सियाराची किंमत फक्त ११.४९ इतकी ठेवण्यात आली आहे. त्यामुळे एसयूव्ही सेगमेंटमध्ये टाटाने मोठा खेळी खेळली आहे.

मुंबईमध्ये झालेल्या एका दिमाखादार सोहळ्यात टाटा मोटर्सने आपली Tata sierra लाँच केली आहे. प्रत्येकवेळी टाटा मोटर्स हा वेगळा प्रयोग करत असतो. आता Tata sierra सियारासोबतही तसाच प्रयोग केला. यावेळी सेफ्टी टेस्टमध्ये टाटाने आजपर्यंत कुणी असा प्रयोग केला नाही तो करून दाखवला. यामध्ये दोन टाटा सियारा एकमेकांना धडकवल्या.

टाटा मोटर्सच्या गाड्या या नेहमी दणकट आणि मजबूत म्हणून ओळखल्या जातात. Tata sierra लाँच करण्यासाठी टाटाने खूप मेहनत घेतली. Tata sierra ही इतर एसयूव्हीपेक्षा वेगळी कशी ठरेल, यासाठी खूप मेहनत केली आहे. सेफ्टीच्या बाबतीत विचार केला तर टाटाने पहिल्यांदाच दोन गाड्यांची क्रॅश टेस्ट केली.

टाटा मोटर्सच्या टीमने यावेळी 2 Tata sierra गाड्यांची समोरासमोर धडक झाल्यावर काय होऊ शकतं हे दाखवून दिलं. एका Tata sierra मध्ये चार जण बसवण्यात आले. आणि दुसऱ्या Tata sierra मध्येही ४ डमी माणसं बसवली.

दोन्ही गाड्यांचा वेग हा ५० ते ६० किमी इतका होता, आणि समोरासमोर दोन्ही गाड्यांची धडक झाली. जेव्हा या दोन्ही गाड्यांची समोरासमोर धडक झाली, तेव्हा कारमध्ये प्रवाशांना किती इजा झाली, याची पाहणी केली. तेव्हा कारची फ्रेम, आतील प्रवाशांची सुरक्षा या निकषावर सगळेच सुरक्षित होते.

विशेष म्हणजे, भारतात NCP क्रॅश टेस्टमध्ये एखाद्या गाडीची क्रॅश टेस्ट होते तेव्हा ती एखाद्या कडक लोखंडावर आदळते किंवा बाजूने धडक दिली जाते. पण टाटाने याच्या पुढे पाऊल टाकत रस्त्यावर नेमकी काय परिस्थितीत असते, याचं उदाहरण दाखवलं आहे.

या क्रॅश टेस्टमध्ये प्रवाशी सुरक्षित होते, डोअर उघडले होते, बऱ्याच वेळा अपघातानंतर कारचे दरवाजे जाम होतात.  इंधनाची टाकी ही सील झाली.

्यामुळे पुढे आग लागण्याचा धोका टळला. प्रवाशांनी लावलेले बेल्ट ओपन झाले. प्रवाशांसाठी लावलेलं स्ट्रकचर हे सुरक्षित होतं,

म्हणजे, समोरील भागाला नुकसान जरी झालं असलं तरी प्रवाशी ज्या ठिकाणी बसले होते, ती फ्रेम सुरक्षित होती, त्यामुळे प्रवाशांना कोणतीही इजा झाली नाही.

टाटाने सियाराची सुरुवाती किंमत ११ लाख ४९ हजार एक्स शोरूम मुंबई इतकी ठेवली आहे. या गाडीची बुकिंग १६ डिसेंबरपासून सुरू होणार आहे. १५ ऑगस्ट २०२६ पासून डिलिव्हरी सुरू होणार आहे.