Bigg Boss 19 मध्ये लागणार बोल्डनेसचा तडका, प्रसिद्ध क्रिकेटरची बहीण घेणार वाईल्ट कार्ड एन्ट्री, कोण आहे ती?

बिग बॉस १९ चा खेळ दिवसेंदिवस रंगात येत आहे. बिग बॉसच्या घरात रोज काही ना काही नव्या घटना घडताना दिसत आहेत. या सीझनमधील प्रत्येक स्पर्धक जबरदस्त खेळ खेळत आहे, मग तो अभिषेक बजाज असो, प्रणित मोरे असो किंवा मग फरहाना असो.

यावेळी प्रेक्षकांना या घरात भरपूर मसाला पाहायला मिळत आहे. अशातच आता या घरामध्ये नव्या स्पर्धकाची एन्ट्री होणार असल्याची बातमी समोर आली आहे, त्यामुळे प्रेक्षकांची उत्सुकता शिगेला पोहोचली आहे.

कॉन्ट्रोव्हर्सी आणि ड्रामाचा अड्डा असलेल्या 'बिग बॉस १९' ने प्रेक्षकांना खिळवून ठेवलं आहे. पण आता बिग बॉसच्या घरात आणखी रायता पसरण्याची शक्यता आहे, कारण लवकरच एका प्रसिद्ध क्रिकेटपटूची बहीण वाईल्ड कार्ड एन्ट्री घेणार असल्याची जोरदार चर्चा सुरू झाली आहे. यामुळे घरातील समीकरणे बदलणार आहेत!

रिपोर्ट्सनुसार, अभिनेत्री आणि दिग्दर्शिका म्हणून ओळखली जाणारी मालती चाहर बिग बॉस १९ मध्ये वाईल्ड कार्ड कंटेस्टंट म्हणून प्रवेश करणार आहे. विशेष म्हणजे, ती भारतीय क्रिकेटपटू दीपक चाहरची बहीण आहे. मालतीला घरात सोडण्यासाठी तिचा भाऊ दीपक हा काही वेळासाठी बिग बॉसच्या घरात हजेरी लावणार असल्याचीही माहिती आहे.

मालती चाहर ही अभिनेत्री, मॉडेल आणि कंटेंट क्रिएटर म्हणून प्रसिद्ध आहे. तिचा चुलत भाऊ राहुल चाहर हा देखील क्रिकेटपटू आहे, म्हणजेच मालतीचं कुटुंब खेळाशी खूप जोडलेलं आहे.

आग्रा, उत्तर प्रदेशची असलेली मालती चाहरने मनोरंजन क्षेत्रात येण्यापूर्वी ब्युटी पेजेंटमध्येही आपलं स्थान निर्माण केलं होतं. ती फेमिना मिस इंडिया २०१४ ची फायनलिस्ट होती. त्याच स्पर्धेत तिला 'मिस फोटोजेनिक'चा किताब मिळाला होता.

अभिनयाच्या दुनियेत पाऊल ठेवताना मालतीने २०१८ मध्ये अनिल शर्मा दिग्दर्शित 'जीनियस' या बॉलिवूड चित्रपटातून रुबीनाच्या भूमिकेतून पदार्पण केलं. त्यानंतर २०२२ मध्ये 'इश्क पश्मीना' या रोमँटिक ड्रामामध्येही ती दिसली होती.

अभिनय करण्यासोबतच तिला चित्रपट निर्मिती, दिग्दर्शन आणि शॉर्ट फिल्म्स बनवण्यातही विशेष रस आहे. मालतीसारखी बोल्ड आणि स्पष्टवक्ती स्पर्धक घरात आल्यास घरात नक्कीच मोठा ड्रामा होईल आणि अनेक सदस्यांना तिची एन्ट्री जड जाणार, यात शंका नाही.