Bigg Boss Marathi 6 : 'भाऊचा धक्का'लाच प्रेक्षकांचा धक्का! म्हणाले 'चुकला', रितेश देशमुखवर नाराज

वीकेंड आला की बिग बॉस मराठीच्या प्रेक्षकांना उत्सुकता असते ती भाऊच्या धक्क्याची. भाऊचा धक्कावर काय घडणार? इथं रितेश देशमुख कुणाची शाळा घेतो, तर कुणाचं कौतुक करतो? हे पाहण्यासाठी प्रेक्षक उत्सुक असतात. यावेळचा भाऊचा धक्का पाहून मात्र प्रेक्षक नाराज झाले आहेत.

भाऊचा धक्काचा प्रोमो समोर रिलीज झाला आहे. ज्यात भाऊचा धक्का पाहून प्रेक्षकांनी भाऊचा धक्काच चुकला अशी प्रतिक्रिया दिली आहे आणि नाराजी व्यक्त केली आहे. असं नेमकं या भाऊच्या धक्क्यावर काय झालं?

प्रोमोत तुम्ही पाहू शकता रितेश देशमुख सचिन कुमावतला झापताना दिसतो आहे आणि याचं कारण आहे ते म्हणजे राखी सावंत. राखीने प्राजक्ता शुक्रेच्या तोंडावर पीठ फेकत कहर केल्यानंतर सचिन संतापला आणि त्यानेही राखीच्या तोंडावर पीठ आणि पाणी फेकलं.

यावरून रितेशने सचिनला सुनावलं. 'घरात तुम्ही भाऊ म्हणून वावरता आणि एका महिलेसोबत असं करता?' असा जाब रितेशने सचिनला विचारला. हे पाहिल्यानंतर बहुतेक प्रेक्षकांनी सचिन बरोबर आहे, भाऊचा धक्काच आता चुकायला लागला आहे, असं म्हटलं आहे.

करण पीठ मारत होता, तन्वी तेल ओतत होती, दिपालीही पीठ मारत होती, ते चाललं का? या भाऊच्या धक्क्याचं मला काही कळेना झालं राव, जे बरोबर आहे त्याला पण बोलायचं. अशा कमेंट युझर्सच्या आल्या आहेत. सचिन बरोबरच आहे. भाऊ चा धक्काच आता चुकायला लागला आहे. आधी बघू वाटत होता भाऊचा धक्का, आता सगळं वन साईडच वाटत आहे, तुमच्याकडे काही मुद्देच नाही, असं प्रेक्षकांनी म्हटलं आहे.