Vande Bharat Sleeper Train: आनंदाची बातमी! लवकर 2 नवीन स्लीपर वंदे भारत ट्रेन धावणार, कुठे-कुठे थांबणार?

भारताची पहिली स्लीपर वंदे भारत ट्रेन हावडा ते कामाख्या या मार्गावर सुरू झाली असून तिला प्रवाशांचा मोठा प्रतिसाद मिळत आहे. ही ट्रेन जवळपास 100 टक्के क्षमतेने धावत आहे.

प्रवाशांकडून मिळणाऱ्या सूचनांनुसार भारतीय रेल्वे सेवेत आवश्यक बदलही करत आहे.आता आणखी स्लीपर वंदे भारत गाड्या सुरू करण्याची तयारी वेगात सुरू आहे.

मीडिया रिपोर्टनुसार मार्च 2026 अखेरपर्यंत दोन नवीन स्लीपर वंदे भारत ट्रेन रेल्वेच्या ताफ्यात दाखल होऊ शकतात. या गाड्यांची निर्मिती चेन्नई येथे केली जात आहे.

मूळ करारानुसार 16 कोचचे 10 रेक मार्चपर्यंत द्यायचे होते. मात्र सध्या सर्व रेक वेळेत पूर्ण होणे कठीण असल्याचे संकेत आहेत. त्यामुळे अंतिम मुदत वाढवली जाऊ शकते.

अधिकाऱ्यांच्या माहितीनुसार मार्च अखेरपर्यंत तिसरा आणि चौथा रेक तयार होण्याची शक्यता आहे. राहिलेले रेक दरमहा एक अशा गतीने देण्याचा प्रयत्न राहील.

भविष्यात 24 कोचचे, पेंट्री कारसह स्लीपर वंदे भारत रेक तयार करण्याचीही योजना आहे. दिल्ली-अमृतसर, दिल्ली-श्रीनगर, दिल्ली-मुंबई आणि दिल्ली-कोलकाता या मार्गांवर या गाड्या सुरू करण्याचा विचार आहे.