एक एकाला तोडणार! Bigg Boss Marathi 6 च्या घरात राखीची 'बहीण'; घेणार सगळ्यांचा 'बदला'

बिग बॉस मराठी 6 च्या घरात राखी सावंतने वाइल्ड कार्ड एंट्री घेतली आणि तेव्हापासून राखीचा काही ना काही ड्रामा पाहायला मिळाला आहे. आता बिग बॉस मराठीच्या घरात राखीच्या बहिणीचीही एंट्री होणार आहे.

बिग बॉस मराठी 6 च्या नव्या एपिसोडचा प्रोमो समोर आला आहे. ज्यात राखी सावंतची बहीण आली असं ऐकायला मिळतं.

प्रोमोत तुम्ही पाहू शकता राकेश बाथरूम एरियात आहे. आरशात पाहून तो आपले केस नीट करत असतो, इतक्यात बाथरूमच्या आतून आवाज येतो, 'बापट गेला तू आता'

पुढे ती म्हणते, "या घरात एकएकाला मी तोडून टाकेन. बदला, बदला, स्वत:ला बदला नाहीतर मी घेणार राखीचा बदला. राखीची बहीण आहे मी"

बाथरूमच्या दरवाजामागून येणारा हा आवाज अगदी राखीसारखाच आहे. त्यामुळे आता राखीची ही बहीण कोण? हे पाहणं महत्त्वाचं ठरणार आहे.

दरम्यान राखी आणि राकेशमध्येही चांगलाच वाद झाल्याचं पाहायला मिळालं आहे. राखीने राकेशला नॉमिनेटही केलेलं आहे.

त्यामुळे राकेश आणि राखीतील हा वाद आता कोणत्या टोकाला जाणार आणि त्याचे घरात काय, कसे परिणाम होणार हे पाहण्याची उत्सुकता सगळ्यांना आहे.