रश्मिका मंदाना, ऋषभ शेट्टी ते विकी कौशल; या 8 कलाकारांनी गाजवलं 2025, तुमचा फेव्हरेट कोण?

2025 हे वर्ष बॉलिवूडसाठी खूप खास ठरलं. 2023 मध्ये रिलीज झालेल्या अनेक चित्रपटांनी बॉक्स ऑफिसवर दणदणीत कमाई केली. या वर्षात बॉलिवूडच्या 8 कलाकारांचं प्रेक्षकांनी भरभरून कौतुक केलं. आपल्या दर्जेदार अभिनयाने या कलाकारांनी हे वर्ष गाजवलं.

रश्मिका मंदाना (Rashmika Mandanna) : रश्मिका मंदानासाठी 2025 हे वर्ष यशाची एक पायरी आणखी वर घेऊन जाणारं होतं. 'छावा' या ऐतिहासिक चित्रपटात रश्मिकाने आपल्या अभिनयाने प्रेक्षकांची मने जिंकली. तर दुसरीकडे याच वर्षी रिलीज झालेल्या 'द गर्लफ्रेंड' या चित्रपटात रश्मिकाचं एक वेगळं रुप पाहायला मिळालं. या दोन्ही चित्रपटांच्या माध्यमातून रश्मिका मंदानाने हे सिद्ध केलं की ती फक्त एक लोकप्रिय अभिनेत्री नव्हे तर एक अभ्यासू अभिनेत्रीदेखील आहे.

यामी गौतम (Yami Gautam) : यामी गौतमने गाजावाजा न करताही 2025 हे वर्ष गाजवलं. वर्षाच्या सुरुवातीलाच 'धूम धाम'मध्ये यामीचा एक खोडकर आणि हल्का-फुल्का अंदाज पाहायला मिळाला. हकच्या माध्यमातून तिने प्रेक्षकांची मने जिंकली.

ऋषभ शेट्टी (Rishab Shetty) : ऋषभ शेट्टीच्या दर्जेदार अभिनयाची झलक 2025 मध्ये पुन्हा एकदा 'कांतारा चॅप्टर 1'मध्ये पाहायला मिळाली. या चित्रपटासाठी त्याने घेतलेली मेहनत स्क्रीनवर पाहायला मिळाली. थिएटरनंतर ओटीटीवरही या चित्रपट ट्रेडिंग आहे.

कृती सेनन (Kriti Sanon) : 'तेरे इश्क'मधील कृती सेननचं काम तिचं आतापर्यंतचं करिअरमध्ये महत्त्वाचं ठरेल असं होतं. या चित्रपटातीत संवाद दमदार असले तरी कृतीने शांतपणे म्हटले आहेत. त्यामुळे तिचा हा चित्रपट प्रेक्षकांना भावनिकरित्या गुंतवून ठेवतो.

रणवीर सिंह (Ranveer Singh) : 'धुरंधर'च्या माध्यमातून रणवीर सिंहने प्रेक्षकांवर आपल्या दमदार अभिनयाची छाप पाडली आहे. या चित्रपटातील रणवीरच्या कामाचं सर्वत्र कौतुक होत आहे. 'धुरंधर' हा रणवीरच्या आतापर्यंतच्या करिअरमधला सर्वाधिक सुपरहिट चित्रपट ठरला आहे.

विकी कौशल (Vicky Kaushal) : 'छावा' या चित्रपटातील विकी कौशलचा अभिनय पाहण्याजोगा आहे. या चित्रपटासाठी त्याने अभिनयावर प्रचंड काम केलं आहे. तसेच शारीरिक मेहनतही त्याने घेतली आहे.

फरहान अख्तर (Farhan Akhtar) : '120 बदादुर'मध्ये फरहान अख्तरने खूप कमाल काम केलं आहे. एका खऱ्या हिरोला त्याने कोणताही दिखावा न करता सादर केलं आहे. त्याचा भूमिकेशी असलेला प्रामाणिकपणा चित्रपट पाहताना स्पष्ट दिसतो.

विजय वर्मा (Vijay Varma) : 'गुस्ताख इश्क'मध्ये विजय वर्मा लवर-बॉयच्या भूमिकेत आहे. या चित्रपटात पुन्हा एकदा त्याने वेगळी भूमिका साकारत चाहत्यांना थक्क केलं आहे.