Mahesh Kothare : 'मुंबईत कमळ फुलणारच, मी भाजप अन् मोदींचा भक्त', महेश कोठारेंचं मोठं स्टेटमेन्ट

सध्या सर्वत्र निवडणूकीचे वारे वाहत आहेत. मुंबईत आता येत्या महानगरपालिका निवडणूकांकडे सगळ्यांचं लक्ष लागून आहे.

अनेक कलाकार मंडळी सध्या निवडणुकीच्या रिंगणात उतरताना दिसत आहेत. अनेक जण काही पक्षांना सपोर्ट करताना दिसत आहेत.

अशातच प्रसिद्ध ज्येष्ठ अभिनेते, दिग्दर्शक आणि निर्माते महेश कोठारे यांनी ते मोदी भक्त असल्याचं सांगितलं आहे.

महेश कोठारे यांनी केलेल्या वक्तव्याची सर्वत्र चर्चा होतेय. महेश कोठारे नेमकं काय म्हणालेत पाहूयात.

मागाठाणे येथे दिवाळी पहाटनिमित्तानं खास कार्यक्रम आयोजित करण्यात आला होता. या कार्यक्रमात बोलताना महेश कोठारे यांनी महानगरपालिका निवडणुकांवर भाष्य केलं. त्यांचा भाजपला फुल सपोर्ट आहे हे दाखवून दिलं.

महेश कोठारे म्हणाले, "हा कार्यक्रम आपल्या घरचा आहे. भाजप म्हणजे आपलं घर आहे."

"कारण मी स्वतः भाजपचा भक्त आहे. मी पंतप्रधान मोदींचा भक्त आहे."

महेश काठारे पुढे म्हणाले, "पुढच्या वर्षीच्या दिवाळीच्या कार्यक्रमापर्यंत मुंबईवर कमळ फुललेलं असेल याची मला गॅरंटी आहे".

"आपल्याला नगरसेवक निवडून द्यायचा आहे. पण यावेळी महापौरही इथून निवडून गेलेला असेल", असंही महेश कोठारे म्हणाले.