वयाच्या 52 व्या वर्षी महिमा चौधरीने संजय मिश्रासोबत गुपचूप उरकलं लग्न? वरमाळा घालतानाचे PHOTO समोर

बॉलिवूड अभिनेत्री महिमा चौधरी आणि संजय मिश्रा सध्या एका वेगळ्याच कारणाने चर्चेत आले आहेत. महिमा चौधरी वयाच्या 52 व्या वर्षी 62 वर्षीय संजय मिश्रा यांच्यासोबत विवाहबंधनात अडकली असल्याचं समोर आलं आहे.

महिमा चौधरी आणि संजय मिश्रा यांचे वेडिंग फोटो आणि व्हिडीओ सोशल मीडियावर व्हायरल होत आहेत. या फोटोंमध्ये ते सर्व लग्नविधी करताना दिसत आहेत. तसेच एकमेकांना वरमाळा घालतानाही पाहायला मिळत आहे.

महिमा चौधरी आणि संजय मिश्रा यांचं दोघांचंही याआधी लग्न झालेलं आहे. पण आता त्यांनी पुन्हा लग्न केल्याने चाहत्यांना मोठा धक्का बसला आहे. महिमा आणि संजय यांच्या लग्नसोहळ्याचे सर्वांनाच आश्चर्याचा धक्का दिलाय.

खरंतर महिमा चौधरी आणि संजय मिश्रा यांनी खरोखर लग्न केलेलं नाही. सोशल मीडियावर व्हायरल होणारे फोटो आणि व्हिडीओ हे त्यांच्या आगामी चित्रपटाच्या प्रमोशनदरम्यानचे आहेत. चित्रपटाच्या प्रमोशनसाठी त्यांनी हा हटके फंडा वापरला आहे.

महिमा चौधरी आणि संजय मिश्रा यांचा आगामी 'दुर्लभ प्रसाद की दूसरी शादी' हा चित्रपट येत्या 19 डिसेंबर 2025 रोजी रिलीज होणार आहे.'दुर्लभ प्रसाद की दूसरी शादी'च्या ट्रेलरमध्ये दाखवले आहे की आपल्या मुलाचे लग्न लावून देण्यासाठी दुर्लभ प्रसाद (संजय मिश्रा) स्वतःच पुन्हा लग्न करण्यास तयार होतात, कारण मुलीच्या कुटुंबाची अट असते की घरात एखादी स्त्री असेपर्यंतच ते मुलीचे लग्न करतील. दरम्यान दुर्लभ प्रसाद यांच्या आयुष्यात महिमा चौधरीची एन्ट्री होते. महिमा चौधरी सिगारेटपासून दारू पर्यंत सर्व काही पिते. दोघांच्या आयुष्यात एक मोठा ट्विस्टही येत असल्याचे पाहायला मिळते.

संजय मिश्रा आपल्या भूमिकेबद्दल बोलताना म्हणाले,"दुर्लभ प्रसाद' हे असं पात्र आहे, जे त्याच्या साधेपणामुळे प्रेक्षकांच्या पसंतीस उतरतील. भावना आणि कॉमेडी यांचा संगम नेहमीच खास असतो आणि या चित्रपटात या दोन्हींचे उत्तम मिश्रण आहे. या अनोख्या वराशी आणि त्याच्या तेवढ्याच अनोख्या प्रवासाशी प्रेक्षकांची ओळख करून देण्यासाठी मी उत्सुक आहे".

महिमा चौधरी आणि संजय मिश्रा यांचा एक व्हिडीओ आणि फोटो काही दिवसांपूर्वीही सोशल मीडियावर व्हायरल झाले होते. यात नवरा-नवरीच्या लुकमध्ये ते पापाराझींना पोझ देताना आणि लग्नाची मिठाई वाटताना दिसले होते.