Netflix Horror Movie: 1 तास 59 मिनिटांचा सर्वात भयानक सिनेमा, पाहून थरथर कापाल; नेटफ्लिक्सवर ट्रेंडिंग

काही कथा आपल्या मनावर खोल ठसा उमटवतात. अशाच एका थरारक चित्रपटाची चर्चा पुन्हा रंगली आहे. दोन वर्षांपूर्वी, 2023 मध्ये प्रदर्शित झालेला हा चित्रपट सध्या ओटीटीवर खळबळ उडवतोय.

या सिनेमाची कथा 1980 च्या दशकातील स्पेनमध्ये घडते. कथेत एक तरुण विवाहित जोडपं दिसतं. त्यांना गर्भपाताचा दु:खद अनुभव येतो आणि त्यानंतर ते जुळ्या मुलांना दत्तक घेतात. पण हीच त्यांच्या आयुष्यातील सर्वात मोठी चूक ठरते.

बाहेरून निष्पाप दिसणारी ही मुलं प्रत्यक्षात धार्मिक अतिरेकी श्रद्धांमध्ये अडकलेली असतात. ते बायबलमधील शिकवणींचा शब्दशः अर्थ घेतात आणि त्या अंमलात आणतात. त्यांचे हे वागणे हळूहळू धोकादायक बनते.

मुलं कुत्र्याला मारतात, विचित्र विधी करतात आणि घरात भीतीचं वातावरण तयार करतात. आईला घरात काहीतरी गंभीर गडबड असल्याचं जाणवतं आणि हळूहळू काळी रहस्यं उलगडत जातात.

दिग्दर्शक रुबिन स्टाइनचा हा पहिलाच फिचर हॉरर असला तरी त्यांनी प्रेक्षकांच्या अंगावार काटा आणण्यात यश मिळवलं आहे. हा एक स्पॅनिश सायकोलॉजिकल हॉरर चित्रपट आहे.

चित्रपटात मिलेना श्मिट (लोला), जेमी लोरेंटे (अ‍ॅडॉल्फो), कार्लोस जी. मोरोलेओन (टिन) आणि अनास्तासिया रुसो (टीना) यांच्या भूमिका आहेत. विशेषतः जुळ्या मुलांचा अभिनय आणि छायांकनाचं कौतुक होतंय.

‘Tin & Tina’ ला समीक्षकांकडून मिश्र प्रतिक्रिया मिळाल्या. रॉटन टोमॅटोजवर 56% पॉझिटिव्ह रेटिंग आहे. चित्रपटाची गती कधी कधी मंद वाटली असली तरी त्याचा थरार प्रेक्षकांना खिळवून ठेवतो. Tin & Tina सध्या नेटफ्लिक्सवर ट्रेंडिंगमध्ये आहे.