रोमान्स पासून अँक्शनपर्यंत, OTT च्या वर नव्या फिल्म-सीरिजची लिस्ट; 1 डॉक्युमेंट्री अजूनही मोस्ट अवटेड

'कट्टन' हा एक इन्व्हेस्टिगेटिव्ह थ्रिलर आहे जो प्रेक्षकांना अगदी सुरुवातीपासूनच खिळवून ठेवतो. एका निर्जन डोंगराच्या उताराजवळ एक कापलेले शीर सापडल्यावर स्टोरी आणखी इंटेस्ट्रिंग होते. हा भयानक शोध अशा वेळी लागतो जेव्हा एक पोलीस स्टेशन बंद होण्याच्या मार्गावर असते. हे प्रकरण तेथील अधिकाऱ्यांसाठी केवळ एक आव्हानच नाही तर स्वतःला सिद्ध करण्याची शेवटची संधीही ठरते.

तपासादरम्यान पोलीस हळूहळू या प्रकरणाच्या खोलात जातात आणि पीडित मुथूभोवतीच्या रहस्यांचे पदर उलगडू लागतात. प्रत्येक नवीन माहिती कथेला अधिक गुंतागुंतीची बनवते ज्यामुळे सत्य आणि असत्य यांच्यातील रेषा धूसर होते. जसजसा तपास पुढे जातो तसतसे धक्कादायक खुलासे समोर येतात ज्यामुळे हे प्रकरण आणखी रहस्यमय बनते.

या चित्रपटात विजय सेतुपती, मिलिंद सोमन आणि सुदेव नायर यांसारखे दमदार कलाकार मुख्य भूमिकेत आहेत. त्यांच्या अभिनयामुळे कथेला अधिक बळ मिळते ज्यामुळे प्रेक्षक प्रत्येक वळणावर गुंतून राहतात. हा चित्रपट 27 मार्च रोजी जिओहॉटस्टारवर रिलीज झाला आहे.

'डेअरडेव्हिल: बॉर्न अगेन सीझन 2': या बहुप्रतिक्षित मालिकेचा दुसरा सीझन विल्सन फिस्कची कथा पुढे नेतो. जो आता पूर्वीपेक्षा अधिक धोकादायक बनला आहे. शहरावर त्याचे पूर्ण नियंत्रण आहे आणि एक नवीन स्वयंघोषित न्यायविरोधी दल तैनात करण्यात आले आहे ज्यामुळे परिस्थिती आणखी गंभीर झाली आहे. सत्ता, भ्रष्टाचार आणि न्यायाची कथा सांगणारा हा सीझन सुपरहिरो चाहत्यांसाठी आवर्जून पाहण्यासारखा आहे. 25 मार्चला ही सीरिज रिलीज झाली आहे.

बीटीएस: द रिटर्न (नेटफ्लिक्स): बीटीएसच्या चाहत्यांसाठी एक आनंदाची बातमी आहे कारण ही नवीन डॉक्युमेंटरी लष्करी सेवेनंतर या ग्रुपच्या प्रभावी पुनरागमनाची कहाणी दाखवण्यात आली. यात त्यांच्या "आरिरांग" या अल्बमच्या निर्मितीची एक झलक, तसेच आरएम, जिन, सुगा, जे-होप, जिमिन, व्ही आणि जंगकूक यांचा प्रवास, संघर्ष आणि जागतिक प्रभाव जवळून दाखवला आहे. ही डॉक्युमेंटरी 27 मार्चला रिलीज झाली आहे.

शाहिद कपूर आणि तृप्ती डिमरी यांचा 'ओ रोमियो' हा चित्रपटही ओटीटी प्रदर्शनासाठी सज्ज झाला आहे. विशाल भारद्वाज दिग्दर्शित हा चित्रपट प्राईम व्हिडिओवर भाड्याने घेण्यासाठी उपलब्ध आहे. आधुनिक काळात घडणाऱ्या या आधुनिक प्रेमकथेत जबरदस्त अॅक्शनचाही समावेश आहे.

राणी मुखर्जीचा 'मर्दानी 3' हा चित्रपट थिएटरमध्ये यशस्वी प्रदर्शनानंतर आता ओटीटी प्लॅटफॉर्मवर दाखल झाला आहे. या चित्रपटात राणी मुखर्जीने पुन्हा एकदा निर्भीड पोलीस अधिकारी शिवानी शिवाजी रॉय यांची भूमिका साकारली आहे. या क्राईम थ्रिलरमध्ये, तिला एका धोकादायक मानवी तस्करी करणाऱ्या टोळीकडून 93 बेपत्ता मुलींची सुटका करण्याचे काम सोपवले जाते. कथेत प्रचंड तणाव आणि दमदार अभिनय पाहायला मिळतो. हा चित्रपट 27 मार्चपासून नेटफ्लिक्सवर स्ट्रिम झाला आहे.

'समथिंग व्हेरी बॅड इज गोइंग टू हॅपन': ही थ्रिलर मालिका एका जोडप्याच्या स्वप्नातील लग्नाची कथा आहे. जे एका दुर्गम ठिकाणी पार पडते. पण नंतर कथेत एक अनपेक्षित वळण येते. ही सीरिज नेटफ्लिक्सवर रिलीज होणार आहे.