बांदेकरांच्या होणाऱ्या सूनेचा थाटात पार पडला मेहंदीसोहळा, पूजा बिरारीने शेअर केले PHOTOS

स्वाभिमान, येड लागलं प्रेमाचं या मालिकांच्या माध्यमातून घराघरांत पोहोचलेली अभिनेत्री पूजा बिरारी लवकरच आदेश बांदेकरांची सून होणार आहे. सोहम बांदेकरसोबत पूजा विवाहबंधनात अडकणार आहे. पूजाच्या मेहंदी सोहळ्याचे फोटो आता समोर आले आहेत.

पूजा बिरारीच्या मेहंदीसोहळ्याचे फोटो सध्या सोशल मीडियावर व्हायरल होत आहेत. पूजाने स्वत: हे फोटो शेअर केले आहेत.

पूजा बिरारीने मेहंदीला पिवळसर रंगाचा घागरा परिधान केला आहे. पूजाच्या मेहंदीतील त्या डॉगीने मात्र चाहत्यांचं लक्ष वेधून घेतलं आहे. सोहमच्या सोशल मीडियावर अनेकदा ज्या सिम्बाचं दर्शन घडतं त्या सिम्बाचा फोटो पूजाने खास आपल्या मेहंदीत काढला आहे. साडे सोळा वर्षांचा हा सिम्बा सोहमचा फेव्हरेट आहे.

पूजा बिरारीने मेहंदीचे फोटो शेअर करत कॅप्टनमध्ये लिहिलं आहे,"सेहरा सजा के रखना सोहम बांदेकर". पूजाच्या मेहंदीच्या फोटोवर अनेक सेलिब्रिटींसह चाहत्यांनी कमेंट्सचा वर्षाव केला आहे.

पूजाने नुकताच केळवणात "घरात चालले मी ज्यांच्या ते आहेत महाराष्ट्राचे होम मिनिस्टर, माझे आहो म्हणजेच सोहम आता होणार माझे मिस्टर" हा उखाणा घेतला होता.

अभिनेत्री पूजा बिरारी अभिनेते आदेश बांदेकर आणि सुचित्रा बांदेकर यांची सून होणार आहे. गेल्या काही दिवसांपासून त्यांच्या लग्नाच्या चर्चा रंगल्या आहेत.

पूजा आणि सोहम गेल्या काही महिन्यांपासून रिलेशनमध्ये आहेत. आता दोघांच्या लग्नाची चाहत्यांना उत्सुकता आहे.